लाइफ इन्स्योरेन्स कर्पोरेशनको लाभांश परिमार्जन, अब कति ?

Nov 04, 2018 Merolagani

लाइफ इन्स्योरेन्स कर्पोरेशन नेपाल (LICN) ले यसअघि प्रस्ताव गरेको लाभांश संसोधन गरेको छ । कम्पनीले यसअघि प्रस्ताव गरेर स्वीकृतीका लागि बीमा समिति पठाएकोमा लाभांश बीमा समितिबाट संसोधन गरि पुन पेश गर्न निर्देशन भएअनुसार परिमार्जन गरिएको एलअार्इसीले जनाएको छ ।

बीमक कम्पनीको कार्तिक १७ गते सम्पन्न सञ्चालक समिति बैठकले पहिला घोषणा गरको लाभांशलाई परिमार्जन गर्दै आर्थिक बर्ष २०७३/७४ को नाफाबाट १२ प्रतिशत बोनस शेयर र सो मा लाग्ने कर प्रयोजनका लागि ०.६३ प्रतिशत नगद लाभांश वितरण गर्ने निर्णय गरेको हो । 

यसअघि ३६ प्रतिशत बोनस वितरण गर्ने प्रस्ताव गरेको यस एलअार्इसीले बीमा समितिको निर्देशन अनुसार १२ प्रतिशत बोनस शेयर वितरण गर्नेगरि लाभांश संसोधन गरेको हो । 

प्रस्तावित लाभांश बीमा समितिको आगामी वार्षिक साधारण सभाबाट पारित भएपश्चात लागू हुने कम्पनीले जनाएको छ ।

 

यसअघि कम्पनीको गत साउन २४ गते सम्पन्न सञ्चालक समितिको ९४ औं बैठकले आर्थिक बर्ष २०७३/७४ को नाफाबाट ३६ प्रतिशत बोनस र १.८९ प्रतिशत नगद लाभांश वितरण गर्ने प्रस्ताव गरेको थियोे ।

हाल कम्पनीको एक अर्ब ३३ करोड ४६ लाख रुपैयाँ चुक्ता पूँजी छ । १२ प्रतिशत बोनसपछि कम्पनीको पूँजी एक अर्ब ४९ करोड ४७ लाख नाघ्नेछ ।

comments powered by Disqus

त्रिशूली थ्री ‘बी’ को आईपिओमा करिब १० गुणा बढीको आवेदन,सोमबार अन्तिम

Mar 25, 2019

सरकारको ‘जनताको जलविद्युत कार्यक्रम’ अन्तर्गत चैत ७ गतेदेखि साधारण शेयर (आईपिओ) निष्काशन गरेको माथिल्लो त्रिशूली थ्री ‘बी’ जलविद्युत आयोजनाको शेयरमा आवेदन दिने चैत ११ गते सोमबार अन्तिम दिन रहेको छ। आइतबारसम्म आईपिओमा करिब १० गुणा बढी आवेदन परेको छ।