कम्पनीले आफ्ना शेयरधनीलाई १६.११ प्रतिशत बोनस र कर प्रयोजनको लागि ०.८४ प्रतिशत नगद लाभांश वितरण गर्ने प्रस्ताव गरेको छ ।
लघुवित्तको सोमबार बसेको सञ्चालक समितिको बैठकले गत साउनमा बिक्री गरेको शतप्रतिशत हकप्रदले समेत पाउने गरी लाभांश प्रस्ताव गरेको हो । लघुवित्तले गत साउन ४ गतेदेखि ७ लाख ६६ हजार ४६३ कित्ता हकप्रद जारी शेयर बिक्रीमा ल्याएको थियो ।
उक्त लाभांश नेपाल राष्ट्र बैंकको अनुमतिपछि कम्पनीको आगामी साधारणसभाले पारित गरेपछि लगानीकर्तामा वितरण हुनेछ ।
कम्पनीको चुक्ता पूँजी १५ करोड ३२ लाख रहेको छ । बोनसपछि कम्पनीको चुक्ता पूँजी १७ करोड ७८ लाख पुग्ने छ ।
लघुवित्तले अघिल्लो बर्ष ४५.६० प्रतिशत बोनस शेयर तथा २.४० प्रतिशत नगद लाभांश वितरण गरेको थियो ।
