यस सेवा अन्तर्गत ग्राहकहरुले अनलाईन मार्फत शेयर कारोबार गर्न, कारोबारको रकम राफसाफ गर्न बैंक तथा ब्रोकर कार्यालयमा जानु नपर्ने बैंकले जनाएको छ ।
सेवाबाट ग्राहकले आफ्नो घर, कार्यालय वा संसारको कुनै पनि स्थानबाट अनलाईन मार्फत विना कुनै झन्झट शेयर कारोबार गर्न सक्नेछन् । साथै, शेयर कारोबारको रकम राफसाफ गर्नको लागि समेत बैंक वा ब्रोकर कार्यालय धाउनु नपर्ने बैंकले जनाएको छ ।
बैंकले यो सेवा सानिमा क्यापिटल सँगको सहकार्यमा प्रदान गर्ने उल्लेख गरेको छ । यसका लागि सानिमा क्यापिटलले शेयर ब्रोकर कम्पनीहरुसँग थप सहकार्य गरेको छ ।
ग्राहकहरुले बैंकको आधिकारिक वेबसाइट डब्लु डब्लु डट सानिमा बैंक डट कम मा गएर लगइन गरि नेपालभरि रहेका कुनै पनि शाखाबाट सो खाता सञ्चालनका लागि निवेदन दिन सकिने बैंकका प्रमुख वित्तीय अधिकृत सरोज गुरागाईले बताए ।
यस खाताबाट ग्राहकहरूले डिम्याट खाता, लगानी खाता र बैंक खाताकाे प्रयाेग एकै स्थानमा बसेर प्रयाेग गर्न सक्नेछन्।