टुरिजम डेभलपमेन्ट बैंकलाई गाभेको मेगाको अन्य सूचकहरु समेत सकारात्मक रहेका छन् ।
वित्तीय विवरण अनुसार बैंकको २३ करोड ६१ लाख रुपैयाँ वितरण योग्य नाफा ( फ्रि प्रोफिट) रहेको छ । गतवर्ष यसै अवधिको तुलनामा बैंकको फ्रि प्रोफिट १५ करोड ४३ लाख रुपैयाँले बढेको होे । गतबर्षको प्रथम त्रैमासमा बैंकको फ्रि प्रोफिट ८ करोड १८ लाख रुपैयाँ थियो ।
असोज मसान्तमा बैंकको निक्षेप संकलनमा आक्रमक देखिएको छ । चालु आर्थिक बर्षको प्रथम त्रैमासिक अवधिमा बैंकले ६५.९२ प्रतिशतले निक्षेप बढ्दा १४.५४ प्रतिशतले कर्जा परिचालन गरेको छ । यस अवधिमा बैंकले ६६ अर्ब ११ करोड निक्षेप संकलन गरेर ६२ अर्ब २४ करोड ९६ लाख रुपैयाँ कर्जा लगानी गरेको छ ।
समीक्षा अवधिमा मेगा बैंकले ९२ करोड ८१ लाख रुपैयाँ खुद ब्याज आम्दानी गरेको छ । यो गत वर्षको यसै अवधिको तुलनामा १७७.१५ प्रतिशतले धेरै हो । गत आवको प्रथम त्रैमासमा बैंकले ३३ करोड ४८ लाख खुद ब्याज आम्दानी गरेको थियो ।
यस त्रैमासमा बैंकको खराब कर्जा अनुपात भने बढेको छ । गत बर्षको यसै अवधिमा बैंकमा निष्कृय कर्जा अनुपात ०.८२ प्रतिशत रहेकोमा यस बर्ष बढेर १.०८ प्रतिशतमा पुगेको छ ।
बैंकको प्रतिशेयर आम्दानी १५ रुपैयाँ ४४ पैसा कायम छ । प्रतिशेयर नेटवर्थ १२७ रुपैयाँ ३० पैसा छ भने मूल्य आम्दानी अनुपात १३.४१ गुणा बढी छ ।
यस त्रैमासमा बैंकले दुई अर्ब ८० करोड ७५ लाख रुपैयाँ सञ्चित गरेको छ । गतबर्षको यसै अवधिको तुलनामा १०७.५२ प्रतिशतले अर्थात एक अर्ब ४५ करोड ४७ लाख रुपैयाँले बढाएको हो । गतबर्षको प्रथम त्रैमासमा बैंकले एक अर्ब ३५ करोड २८ लाख रुपैयाँ जगेडा कोषमा सञ्चित गरेको थियो । बैंकको चुक्ता पूँजी दश अर्ब बढी छ ।
