बैंकले आर्थिक बर्ष २०७४/७५ को नाफाबाट शेयरधनीलाई १० प्रतिशत बोनस र २० प्रतिशत नगद गरी ३० प्रतिशत लाभांश वितरण गर्ने प्रस्ताव गरेको छ ।
गत बर्षको तुलनामा लाभांश दर बढाएपछि बैंकको शेयरमा लगानीकर्ताको आकर्षण देखिएको हो । गत बर्ष बैंकले १५ प्रतिशत बोनस वितरण गरेको थियो ।
विहीबार बजार खुलेदेखि बैंकको शेयर कारोबार उच्च भएको छ । कारोबार खुलेको दुई घण्टाको अवधिसम्म बैंकको झण्डै ६ करोड बराबरको शेयर किनबेच भएको छ ।
मार्केट डेप्थमा बैंकको शेयर बिक्री गर्ने भन्दा खरिद गर्नेको चाप देखिन्छ । जसले गर्दा बैंकको शेयर मूल्य समेत अघिल्लो दिनको तुलनामा ५ प्रतिशत अर्थात १७ रुपैयाँले बढेर ३५७ रुपैयाँ पुगेको छ ।