लघुवित्तको शेयर निष्काशन तथा बिक्री प्रबन्धक एनएमबि क्यापिटल रहेको छ। इच्छुक लगानीकर्ताले बिक्री प्रबन्धकको कार्यालय नागपोखरी काठमाडौं तथा एनएमबि बैंकका वीरगञ्ज, विराटनगर, पोखरा, नेपालगञ्ज, सुर्खेत, बुटवल र धनगढी शाखाबाट पनि बोलपत्र पेश गर्न सक्नेछन् ।
बोलपत्र पेश गर्दा न्यूनतम एक सय कित्तादेखि अधिकतम कित्तासम्मको आवेदन गर्न सकिनेछ । बोलपत्र पेश गर्दा १०० रुपैयाँलाई आधार मानेर बढाबढ मूल्यमा आवेदन गर्न सकिनेछ । नेप्सेमा कम्पनीको शेयर कारोबार मंगलबार प्रतिकित्ता ८२५ रुपैयाँ कारोबार भएको छ ।
लघुवित्तले गत आर्थिक वर्षको नाफाबाट १६.११ प्रतिशत बोनस र कर प्रयोजनका लागि ०.८४ प्रतिशत नगद लाभांश प्रस्ताव गरेको छ ।
हाल नागवेलीको चुक्ता पुँजी ७ करोड ६६ लाख ४६ हजार रुपैयाँ छ । लिलामी बिक्रीपछि र बोनस पश्चात लघुवित्तको चुक्ता पूँजी १७ करोड ७९ लाख ९६ हजार रुपैयाँ पुग्नेछ ।
यस लघुवित्तले गत साउन ४ देखि भदौ ७ गतेसम्म एक बराबर एक अनुपातमा ७ लाख ६६ हजार ४६३.१५ कित्ता हकप्रद शेयर बिक्री खुला गरेको अवितरित शेयर लिलामीमा ल्याएको हो ।
