दुनियाँका दुई सबैभन्दा शक्तिशाली अर्थव्यवस्था भएका यि दुई मुलुकका बीचको व्यापार युद्धले सामान्य बजारका साथै शेयर बजारमा पनि तहल्का नै मच्चाएको थियो ।
केही समयदेखि दुवै पक्षले एक अर्काका सामग्रीमा अर्बाै डलरको व्यापार शुल्क लगाएका छन् ।
जुलाईदेखि अमेरिकाले २५० अर्ब डलरका चिनियाँ सामग्रीमा भन्सार लगाएको छ भने चीनले पनि त्यसको बदलामा ११० अर्ब डलरका अमेरिकी सामानमा भन्सार लगाएको छ । यसले विश्व व्यापार र समग्र विश्व अर्थव्यवस्थामा नै युद्धको जोखम बढाएको थियो ।
तर आइतबार भएको सम्झौतासँगै एशियाली शेयर बजारले गति लिएको छ । चीनमा हङकङको ह्यागं स्याङ इन्डेक्स २.७ प्रतिशत र सांघाई कम्पोजिट काराबारको सुरुवातमा नै २.९ प्रतिशतले उकालो लागेको थियो । जबकि जापानको ‘निक्की २२५’ १ प्रतिशतले बढेको थियो ।
ट्रम्पले अर्जेन्टिनामा हुने वार्ता असफल भएमा बाँकी रहेका २६७ अर्ब डलरका चिनियाँ सामग्रीमा १० देखि २५ प्रतिशत सम्मको भन्सार लगाउने चेतवानी दिँदै आएका थिए ।
९० दिनको समयावधिको अन्त्यसम्ममा पनि कुनै सम्झौतामा पुग्न नसकिए १० प्रतिशतको भन्सार शुल्कलाई बढाएर २५ प्रतिशतमा पुर्याइने बताइएको छ । बीबीसी
