ब्याज अनुदानको सहुलियत कर्जा सीसीडीमा गणना नहुने

Dec 08, 2018 Merolagani

ब्याज अनुदानमा प्रदान गरिएको सहुलियतपूर्ण कर्जा बैंक तथा वित्तीय संस्थाहरूको कर्जा–पूँजी–निक्षेप (सीसीडी) अनुपातमा गणना गर्न नपर्ने भएको छ । नेपाल राष्ट्र बैंकले बिहीवार एक परिपत्र जारी गर्दै यस्तो व्यवस्था गरेको हो ।

लगानी योग्य रकमको अभाव मmेलिरहेका बैंकहरु तथा समग्र बैकिंङ प्रणालीलाई यो यो व्यवस्थाले केही राहत मिल्ने अनुमान गरिएको छ ।

केन्द्रीय बैंकका अनुसार ‘सहुलियतपूर्ण कर्जाको लागि ब्याज अनुदानसम्बन्धी एकीकृत कार्यविधि २०७५’ बमोजिम प्रवाहित कर्जालाई सीसीडीबाट घटाउन सकिने छ । अहिले सीसीडी अनुपात ८० प्रतिशत कायम छ ।

नयाँ व्यवस्थाले विशेष गरी ब्याज अनुदानमा कर्जा प्रवाह गरेका र सीसीडी अनुपात ८० प्रतिशत हाराहारी भएका संस्थाहरूलाई तत्काल राहत मिल्ने देखिएको हो ।

पूँजी अभावको समस्या भोगिरहेको संस्थालाई तत्कालै केही राहत मिलोस् र दीर्घकालमा प्राथमिकता प्राप्त क्षेत्रमा कर्जा विस्तार होस् भनेरे यस्तो छूट दिएको केन्द्रीय बैंकले जनाएको छ ।

comments powered by Disqus

कुमार जी अगस्त मुनी शेयर संवाद (२०७५, प्रथमोध्याय !)

Jan 21, 2019

- रामु खनाल (शेयर बजार बिश्लेषक)
कुमारजी उवाच, हे मुनिवर, हजुरका मुखार बिन्दुबाट शेयर बजारको बारेमा धेरै कुराहरूको ज्ञान प्राप्त भइ यी कानहरु पवित्र भइरहे तर पनि मन अझै तृप्त हुन सकेन। बजारको पछिल्लो अवस्थाको बारेमा केहि बताइदिनुहोस् प्रभु भन्दै दुबै हात जोडी कुमारजी अगस्त मुनी सामु बस्दा भए ।