कम्पनीले मङ्सिर १९ गते निवेदन दिएको बोर्डले जनाएको छ । एशियनले चुक्ता पूँजीको दश बराबर ६ कित्ता (१:०.६) को अनुपातमा एक सय रुपैयाँ अंकित दरमा ७५ लाख ४० हजार ३५२ .७३ कित्ता हकप्रद निष्काशनको अनुमति मागेको हो ।
इन्स्योरेन्सको गत जेठ १९ गते सम्पन्न दशौं वार्षिक साधारण सभाले ४ प्रतिशत बोनस पश्चात कायम हुने चुक्ता पूँजीको ६० प्रतिशत हकप्रद प्रस्ताव पारित गरेको थियो । हकप्रद निष्काशनका लागि कम्पनीले एनआईबीएल एस क्यापिटल लिमिटेडलाई विक्री प्रबन्धक नियुक्त गरिसकेको छ ।
एक अर्ब २५ करोड ६७ लाख २५ हजार ४५५ रुपैयाँ चुक्ता पूँजी रहेको एशियनले चालू आर्थिक वर्ष २०७५/०७६ को पहिलो त्रैमासमा कम्पनीले एक करोड ६९ लाख ४४ हजार खुद नाफा कमाएर प्रतिशेयर आम्दानी पाँच रुपैयाँ ३९ पैसा कायम गरेको छ ।
यो हकप्रद निष्काशन तथा बाँडफाँड पश्चात जीबन बीमा कम्पनीहरुलाई बीमा समितिले तोकेको न्यूनतम चुक्ता पूँजी दुई अर्ब नाघ्नेछ । हकप्रद पछि कम्पनीको पूँजी दुई अर्ब एक करोड सात लाख रुपैयाँ पुग्नेछ ।
