अघिल्लो आर्थिक वर्षमा बैंकले शेयरधनीलाई १६ प्रतिशत बोनस तथा कर प्रयोजनका लागि ०.८५ प्रतिशत नगद वितरण गरेको थियो ।
बैंकले आर्थिक वर्ष २०७४/७५ को वितरणयोग्य मुनाफाबाट शेयरधनीलाई असार मसान्तसम्म कायम चुक्ता पूँजी आठ अर्ब तीन करोड ३२ लाख ३६ हजार ४०० रुपैयाँको ३.६२८ प्रतिशत बोनस शेयर (२९ करोड १४ लाख ४५ हजार ७७३ रुपैयाँ) र १.६३५ प्रतिशत नगद लाभांश (१३ करोड १३ लाख ५६ हजार १४३ रुपैयाँ) वितरण गर्ने प्रस्ताव गरेको हाे ।
बैंकले गत आर्थिक वर्षमा ९६ करोड ४९ लाख १२ हजार वितरणयोइग नाफा आर्जन गरेको थियो । यसबाट बैंकले बोनस र नगद गरि कूल ४२ करोड २८ लाख एक हजार ९१६ रुपैयाँ लाभांश बाँड्नेछ । बैंकको खुद नाफा भने एक अर्ब २७ करोड ३४ लाख रुपैयाँ रहेको थियो ।
प्रस्तावित लाभांश राष्ट्र बैंकबाट स्वीकृत भएर बैंकको आगामी वार्षिक साधारण सभाले पारित गरेपछि मात्र शेयरधनीलाई वितरण हुनेछ ।
सिटिजन्स बैंकले चालु आर्थिक वर्षको प्रथम त्रैमासमा ३४.३८ प्रतिशत धेरै अर्थात ४२ करोड ८८ लाख ११ हजार रुपैयाँ खुद नाफा कमाएर प्रतिशेयर आम्दानी २१ रुपैयाँ २६ पैसा कायम गरेको छ । यस अवधिमा बैंकको वितरणयोग्य नाफा भने ३४ करोड ३५ लाख रुपैयाँ रहेको छ ।