बैकले गतबर्षको प्रस्तावित १४ प्रतिशत नगद लाभांश लगायतका एजेण्डा पारित गर्न मंसिर २७ गते बिहीबार राष्ट्रिय सभागृहमा १४ औ वार्षिक साधारण सभामा राखेको थियो ।
साधारणसभा पुगेका बैंकका शेयरधनीहरुले नगद लाभांश मात्र दिइएको भन्दै हो हल्ला गरेर साधारण सभा संचालनमा अवरोध समेत पुर्याएका थिए । बैंक व्यवस्थापनले अर्को बर्ष बोनस सहितको लाभांश दिने प्रतिवद्धता जनाएपछि मात्र साधारण सभा सुचारु भएको थियो ।
बैंकले चालु आर्थिक बर्षको कमाईबाट आगामी बर्ष १० प्रतिशत बोनश र १० प्रतिशत नगद गरी २० प्रतिशत लाभांस वितरण गर्ने प्रतिवद्धता जनाएको छ ।
बैंकका अध्यक्ष बिनय कुमार श्रेष्ठको अध्यक्षतामा भएको उक्त साधारण सभाले संचालक समितिले प्रस्ताव गरे अनुसारको चुक्ता पूँजीको १४ प्रतिशत अर्थात् एक अर्ब १२ करोड रुपैयाँ बराबरको नगद लाभांश पारित गरेको छ ।
यस्तै सर्वसाधारण समूहबाट संचालक समितिमा प्रतिनिधित्व गर्नेगरी भरत कुमार पोखरेल र महेश घिमिरे निर्बिरोध निर्वाचित भएका छन् ।
मर्जरमा जाने र ब्रोकेज सेवा दिने प्रस्ताव पनि पारित
बैंकले उपयुक्त बैंक तथा वित्तीय संस्थालाई आफूमा गाभ्ने वा प्राप्ती गरेर आफ्नो सेवालाई विस्तारित बनाउन शेयर ब्रोकरेज सेवा प्रदान गर्ने प्रस्ताव समेत पारित गरेको छ ।
यस्तै बैंकले सम्बन्धित निकायको स्वीकृती लिई बैंक आफैँ वा सहायक कम्पनी मार्फत शेयर ब्रोकर सेवा प्रदान गर्ने व्यवस्था गर्नका लागि बैंकको प्रवन्धपत्र संसोधन गर्ने भएको छ ।
यस्तै हाल २ अर्बको ऋणपत्र निष्काशन गरिरहेको बैंकले आवश्यकता अनुसार बण्ड, ऋणपत्र जारी गरि पूँजी परिचालन गर्नसक्ने व्यवस्था समेत थपेको छ ।
चुक्ता पूँजी ८ अर्ब १२ लाख रुपैयाँ रहेको सानिमा बैंकले आर्थिक वर्ष २०७४÷७५ मा एक अर्ब ७० करोड रुपैयाँ खुद नाफा गरेको थियो ।
बैंकले चालू आर्थिक वर्षको पहिलो त्रैमास सम्ममा ५१ करोड ८८ लाख रुपैयाँ खुद मुनाफा आर्जन गरेको छ । बैंकको वार्षिक प्रतिशेयर आम्दानी २४ रुपैयाँ ४५ पैसा र मूल्य आम्दानी अनुपात १३.१६ गुणा बढी छ ।
