बैंकले सभामा सम्बन्धित नियामक निकायको स्वीकृती लिई बैंक आफैँ वा सहायक कम्पनी स्थापना गरी ब्रोकरेज सम्बन्धि कार्य गर्ने व्यवस्था थप गरि प्रबन्धपत्र संसेधन गर्ने प्रस्ताव गरेको छ ।
यसका लागि संसोधन गरि पारित भएको प्रबन्धपत्र तथा नियमावलीमा नियामक निकायले कुनै फेरबदल गर्न निर्देशन दिएमा सोही बमोजिम गर्न सञ्चालक समितिलाई अख्तियारी दिने भएको हो । साथै संस्थागत सामाजिक उत्तरदायित्व वापत छुट्टाएको खर्चको सीमाभन्दा बढी भएको खर्च ६३ लाख १८ हजार अनुमोदन गर्ने विशेष प्रस्ताव रहेको छ ।
त्यसका अतिरिक्त बैंक सञ्चालक समितिको मंसिर १३ गते सम्पन्न ३०३ औं बैठकले गत आर्थिक वर्ष २०७४/७५ को नाफाबाट शेयरधनीलाई वितरण गर्न प्रस्ताव गरेको ११.५ प्रतिशत नगद लाभांश वितरण गर्ने प्रस्ताव अनुमोदन गर्नेछ । साथै सभाले संस्थापक र साधारण शेयरधनीको तर्फबाट प्रतिनिधित्व गर्ने ३/३ जना सञ्चालहरुको निर्वाचन गर्नेछ ।
यसअनुसार बैंकले चुक्ता पूँजी आठ अर्ब १५ करोड २५ लाखको ११.५ प्रतिशतले हुन आउने ९३ करोड ७५ लाख ४३ हजार लाभांश वितरण गर्नेछ ।
बैंकको आगामी वार्षिक साधारण सभाबाट साधारण सभाबाट पारित भएपछि शेयरधनीलाई लाभांश वितरण हुनेछ ।
चालू आवको प्रथम त्रैमासमा बैंकले ३३ करोड १४ लाख रुपैयाँ खुद मुनाफा आर्जन गरेको छ । बैंकले गत वर्ष यसै अवधिमा २० करोड ३७ लाख खुद नाफा गरेकोमा १२ करोड ७७ लाखले मुनाफा बढाएको हो ।
८ अर्ब १५ करोड २५ लाख रुपैयाँ चुक्त्ता पूँजी रहेको बैंकको वार्षिक प्रतिशेयर आम्दानी ९ रुपैयाँ ९९ पैसाबाट १६ रुपैयाँ २६ पैसामा बढेको छ ।
