अमेरिका र चीनले आगामी हप्ता बेइजिङमा व्यापार वार्ता गर्ने

Jan 04, 2019 Merolagani

आगामी हप्ता अमेरिकी प्रतिनिधिमण्डल चीनसँग व्यापार वार्ता गर्नका लागि बेइजिङ जाने भएका छन् । योसँगै विश्वका दुई ठूला अर्थतन्त्र भएका मुलुकहरु बीचको व्यापार युद्ध अन्त्य हुने अपेक्षा गरिएको छ ।

अमेरिकी बजारमा आएको गिरावटसँगै बितेको खराब हप्तापछि दुई देशका बीचको यो पहिलो भेटवार्ता हुनेछ । अमेरिकाले चीनसँगको वाणिज्य युद्धका कारण नै आफ्नो बजार खस्कदै गएको मान्दै आएको थियो ।

गत बर्ष चीन र अमेरिकाले एक अर्काको सामानमा ३ सय अर्बभन्दा बढीको कर लगाएका थिए । ‘जस्तालाई तस्तै गर्ने’ प्रवृत्ति हाबी भएसँगै दुई देशले एकपछि अर्काे सामानमा कर थप्दै आइरहेका थिए ।

अमेरिकी राष्ट्रपति डोनाल्ड ट्रम्प र चिनियाँ राष्ट्रपति सि जिङपिङले अर्जेन्टिनामा सम्पन्न भएको जी–२० शिखर सम्मेलनका क्रममा भेटवार्ता गर्दे ९० दिनसम्मका लागि एक अर्काको सामानमा नयाँ कर नलगाउने सहमति गरेका थिए । त्योपछि दुई देशका बीच आमुन्ने–सामुन्ने यो पहिलो वार्ता हुनेछ ।

चीनको वाणिज्य मन्त्रालयले आफ्नो वेबसाइटमा भनेको छ, बेइजिङमा ७ र ८ जनवरीमा दुई देशबीच भेटवार्ता हुदैछ । दुई पक्षले महत्वपूर्ण सहमति लागू गर्नेछन् ।

comments powered by Disqus

त्रिशूली थ्री ‘बी’ को आईपिओमा करिब १० गुणा बढीको आवेदन,सोमबार अन्तिम

Mar 25, 2019

सरकारको ‘जनताको जलविद्युत कार्यक्रम’ अन्तर्गत चैत ७ गतेदेखि साधारण शेयर (आईपिओ) निष्काशन गरेको माथिल्लो त्रिशूली थ्री ‘बी’ जलविद्युत आयोजनाको शेयरमा आवेदन दिने चैत ११ गते सोमबार अन्तिम दिन रहेको छ। आइतबारसम्म आईपिओमा करिब १० गुणा बढी आवेदन परेको छ।