दुई अर्ब डलर ठगीको मुद्दामा क्रेडिट स्वीस बैंकका ३ जना पूर्व कर्मचारी पक्राउ

Jan 06, 2019 Merolagani

२ अर्ब डलर अर्थात् करिब २३ हजार करोड रुपैयाँ ठगी गरेको मुद्दामा क्रेडिट स्वीस बैंकका ३ जना पूवं कर्मचारी पक्राउ परेका छन् । बिहीवार बेलायतमा उनीहरूलाई पक्राउ गरिएको हो । अमेरिकाले प्रत्यर्पणको माग गरेसँगै उनीहरूलाई रिहा गरिएको छ ।

पक्राउ पर्ने क्रेडिट स्वीशका पूर्व कर्मचारीमा एन्ड्र्यु पियर्स, सुर्जन सिंह र डेटेलिना सुबेभा रहेका छन् । उनीहरूले अमेरिकाको घुसखोरीविरुद्धको नियम उल्लंघन गरेको, मनी लन्ड्रिङ र धोकाधडीको आरोप लगाइएको छ । उनीहरूबारे अमेरिकाको न्यूयोर्क अदालतमा मुद्दा चलिरहेको छ ।

अमेरिकी वकिलका अनुसार तीनैजना आरोपीहरुले दक्षिण अफ्रिकी देश मोजाम्बिकको सरकारी कम्पनीहरुलाई प्रदान गरिने ऋणमा ठगी गरेको हुन् ।

यसै हप्ता सोही मुद्दामा मोजाम्बिकका पूर्व अर्थमन्त्री म्यानुअल चाङ दक्षिण अफ्रिकामा पक्राउ परेका थिए ।

क्रेडिट स्वीस बैंकका अनुसार तीनजना आरोपी पूर्व कर्मचारीहरुले बैंकको आन्तरिक नियन्त्रणलाई असफल बनाउन र आफ्नो निजी फाइदाका लागि ऋणसँग सम्बन्धित जानकारी लुकाउने प्रयास गरेको हुन् ।

यो मुद्दाका अर्का आरोपी जिन बोस्तानी गत बुधवार अमेरिकाको जोन एफ केनेडी विमानस्थलबाट पक्राउ परेका थिए । लेबनानी नागरिक बोस्तानी मोजाम्बिकको कम्पनीसँग सम्बन्धित अबू धाबीको क्न्ट्रयाक्टरका लागि काम गर्ने गर्दछन् ।

सन् २०१३ देखि २०१६ बीच मोजाम्बिकको सरकारी कम्पनीहरुले क्रेडिस स्वीस र भीटीबी बैंकको लण्डनस्थित शाखाबाट २ अर्ब डलरभन्दा बढी ऋण लिएका थिए । मोजाम्बिकको सरकार ऋणको साक्षी रहेको थियो । सन् २०१६ देखि कम्पनीले ऋण चुकाउन सकिरहेको थिएन ।

आरोपका अनुसार, चाङले अर्थमन्त्री भएको समयमा मोजाम्बिकमा म्यारिन प्रोजेक्ट्सका लागि ३ सरकारी कम्पनीहरु बनाइएको थियो । यसलाई बनाउनुको उद्देश्य चाङ, बोस्तानी र तीन आरोपी बैंकर्सलाई फाइदा पुर्याउनु रहेको थियो ।

ऋणको रकममध्ये २० करोड डलर बराबरको रकम उनीहरूका साथै मोजाम्बिकका सरकारी अधिकारी र अन्य व्यक्तिको नाममा सारिएको थियो । एजेन्सी

comments powered by Disqus

त्रिशूली थ्री ‘बी’ को आईपिओमा करिब १० गुणा बढीको आवेदन,सोमबार अन्तिम

Mar 25, 2019

सरकारको ‘जनताको जलविद्युत कार्यक्रम’ अन्तर्गत चैत ७ गतेदेखि साधारण शेयर (आईपिओ) निष्काशन गरेको माथिल्लो त्रिशूली थ्री ‘बी’ जलविद्युत आयोजनाको शेयरमा आवेदन दिने चैत ११ गते सोमबार अन्तिम दिन रहेको छ। आइतबारसम्म आईपिओमा करिब १० गुणा बढी आवेदन परेको छ।