ऋण असुली न्यायधीकरणले बस्नेतको नाममा रहेको ग्लोबल आईएमई बैंकको संस्थापक १ लाख ३६ हजार २३३ कित्ता र साधारण तर्फको ५० हजार ८७ कित्ता शेयर लिलामी ल्याएको हो । बैंकको संस्थापक तर्फको शेयरमा न्युनतम १८० रूपैयाँ र सर्बसाधारण तर्फको शेयरमा न्युनतम २७२ रूपैयाँमा बोलपत्र पेश गर्न सकिनेछ ।
बैंकको संस्थापक र साधारण शेयर लिलामी पश्चात आउने न्युनतम तीन करोड ८२ लाख २७ हजार २०४ रूपैयाँ ओरेन्टल कोअपरेटिभका बचतकर्ताहरूलाई वितरण गरिनेछ । तर सहकारीमा ११ हजार भन्दा बढी बचतकर्ताका साढे ५ अर्ब भन्दा बढी बचत फसेको छ ।
बैंकको शेयर खरिद गर्न इच्छुक लगानीकर्ताले ३ हजार रूपैंयाँको फारम खरिद गरेर माघ १० गते भित्र ऋण असुली न्यायाधिकरणको कार्यालयमा बोलपत्र पेश गर्न सकिनेछ । लिलामी शेयरमा बोलपत्र पेश गर्न चाहनेले शेयरको १० प्रतिशत रकम धरौटी पहिले नै बुझाउनु पर्ने न्यायाधीकरण कार्यालयले जनाएको छ ।