साधारण सभामा शेयरधनीहरुको तर्फबाट राखिएका जिज्ञासाको जवाफ बैकका अध्यक्ष सुशिल गौचन तथा प्रमुख कार्यकारी अधिकृत रेशम वहादुर थापाले दिएका थिए ।
बैंकले आ.व. २०७५/७६ को पहिलो त्रैयमास सम्ममा निक्षेप २३ अर्ब ७३ करोड रुपैयाँ संकलन गरेको छ भने कर्जातर्फ २१ अर्ब २४ करोड लगानी गरेको छ ।
बैंकले केन्द्रीय कार्यालय सहित देशका विभिन्न ठाउँहरुमा गरी ७७ वटा शाखा कार्यालय मार्फत सेवा प्रवाह गर्दै आइरहेको छ ।
बैंकले आकर्षक व्याजदरमा विभिन्न निक्षेप योजना, सहज र सरल रुपमा कर्जा प्रवाह गर्नुका साथै एबिबिएस, एटीएम, एसएमएस, सि आश्वा, आईपिएस र मोबाइल बैकिङ्ग सेवा, लकर सेवा, सुन धितोमा कर्जा सुविधा, रेमिट्यान्स सेवा, केन्द्रीय कार्यालय लगायत केही शाखाहरुबाट ३६५ दिने बैकिङ्ग सेवा तथा सन्ध्याकालिन सेवा समेत प्रदान गर्दै आइरहेको छ भने न्यून आय भएका व्यक्तिलाई विपन्नवर्ग कर्जा तथा समुहमा आवद्द व्यक्तिहरुका लागि लघुवित्त कर्जा पनि प्रदान गर्दै आएको छ ।
