फाइनान्सले हकप्रदमा बिक्री नभएको शेयर दोस्रो माघ १५ गते देखि पटक शेयर लिलामीमा ल्याउन सूचना प्रकाशित गरेको छ । कम्पनीले गरेको पहिलो पटकको लिलामीमा संस्थापक शेयर सबै बिक्री भएपनि सर्वसाधारण तर्फको १३ लाख ३० हजार २५५ कित्ता अवितरित भएको हो । सोही शेयरमा इच्छुक लगानीकर्ताले माघ २२ गते भित्र शिलबन्दी बोलपत्र पेश गर्न सक्नेछन् ।
बोलपत्र पेश गर्दा लगानीकर्ताले न्यूनतम १०० कित्तादेखि लिलामीको अधिकतम कित्तासम्मका लागि एक सय रुपैयाँलाई आधार मानेर बढाबढ मूल्यमा बोलपत्र पेश गर्नुपर्नेछ ।
बोलपत्र आवेदन बिक्री प्रबन्धक सनराइज क्यापिटल, कमलपोखरी काठमाडौं तथा सनराइज बैंकको वीरगञ्ज, विराटनगर, पोखरा, नेपालगञ्ज, सुर्खेत, बुटवल र धनगढी शाखाबाट आवेदन दिन सकिन्छ ।
फाइनान्सको शेयर पुस ३० गते प्रतिकित्ता १२३ रुपैयाँ हराहारीमा कारोबार भैरहेको छ ।
गत भदौ ५ देखि असोज ८ गतेसम्म २८१ प्रतिशत हकप्रद शेयरको बिक्री खुला गरेको थियो । फाइनान्सले एक बराबर २.८१ कित्ताको अनुपातमा ५९ करोड एक लाख रुपैयाँ बराबरको ५९ लाख एक हजार कित्ता हकप्रद निष्काशन गरेको थियो ।
हकप्रदमा नबिकेको शेयर फाइनान्सले पहिलो पटक मंसिर १० गते देखि मंसिर २४ गते सम्म २१ लाख २० हजार ६०४ कित्ता लिलामीमा ल्याएको थियो । फाइनान्सले सर्वसाधारण समूहको १६ लाख ७१ हजार ९५५ कित्ता र संस्थापक समूहको ४ लाख ४८ हजार ६४९ कित्ता शेयर लिलाम बढाबढमा आवेदन खुला गरेको थियो । त्यस समयमा सर्वसाधारण समुह तर्फको १६ लाख ७१ हजार ९५५ कित्ता मत्तये ३ लाख ४१ हजार ७०० कित्ता शेयरका लागि मात्रै आवेदन परेको थियो ।
चालु आर्थिक वर्षको पहिलो त्रैमासमा यसले एक करोड ७८ लाख २१ हजार रुपैयाँ खुद नाफा कमाएर प्रतिशेयर आम्दानी ८ रुपैयाँ ४९ पैसा रहेको छ । हाल २१ करोड रुपैयाँ चुक्ता पूँजी रहेको प्रोग्रेशिभको लिलामी शेयर बिक्री भएपछि ८० करोड एक लाख रुपैयाँ पुग्नेछ ।