जुन महिनामा भएको भेटवार्तामा दुई देशका बीचमा परमाणु निशस्त्रीकरणको विषयमा सम्झौता भएसँगै अमेरिकाले उत्तर कोरियामाथिको प्रतिबन्ध हटाउने बताइएको थियो । तर अमेरिकाले अझैँ दबाब र प्रतिबन्ध कायम नै राखेको उत्तर कोरियाले बताउँदै आएको छ ।
योभन्दा अघिको भेटमा किम जोङ उत्तर कोरियाको पूर्ण परमाणु निशस्त्रीकरणका लागि राजी भएका थिए । यद्यपी त्यसपछि दुई देशका बीचमा यस सम्बन्धमा कुनै पनि कुराकानी भएको छैन ।
ह्वाइट हाउसले ट्रम्प र उत्तर कोरियाका शीर्ष वार्ताकार किम योंग चोलबीचको भेट पछि ट्रम्प र किम भेट्न लागेको कुराको जानकारी दिएका हुन् । ह्वाइट हाउसका प्रेस सचिवले भने, राष्ट्रपति ट्रम्प किमसँगको भेटवार्ताका लागि एकदमै उत्साहित भएका छन् । यद्यपी यि दुई नेताबीच कहाँ भेटवार्ता हुने भन्ने कुराको खुलासा गरिएको छैन । तर उनीहरुले भियतनामको डनांगमा भेटवार्ता गर्नसक्ने सम्भावना रहेको बताइएको छ ।
साथै अमेरिकी प्रतिनिधिले उत्तर कोरियाली निशस्त्रीकरण नदेखेसम्म उत्तर कोरियामाथि दबाब र प्रतिबन्ध कायम नै राखिने बताइएको छ । जुन महिनामा भएको भेटवार्तापछि परमाणु वार्ता रोकिएको छ । अमेरिका अmझै पनि परमाणु निशस्त्रीकरणको सम्बन्धमा उत्तर कोरियाद्धारा कुनै ठोस कदम उठाउने समयको प्रतिक्षामा रहेको बताइएको छ ।
एजेन्सी
