इन्भेष्टमेन्ट बैंकले एक अर्ब ९७ करोड र राष्ट्रिय वाणिज्य बैंकले एक अर्ब ९६ करोड खुद नाफा कमाएर क्रमश: दोस्रो र तेस्रो ठूलो स्थानमा छन् ।
निजी क्षेत्रबाट सञ्चालित बैंकहरुमा बलियो रुपमा प्रस्तुत गर्दै आएको तथा नेपालको धनाढ्य विनोद चौधरीको समेत लगानी रहेको यस बैंकले चालू आर्थिक वर्षको दोस्रो त्रैमासमा खराब कर्जा अनुपातमा उल्लेख्य सुधार गरेको छ ।
यस्तै समीक्षा अवधिमा बैंकले व्यवसायको आकार बढाउँदै प्रतिशेयर आम्दानीमा समेत उत्साहजनक प्रगति गरेको छ भने आफ्नो जगेडा कोषको आकार झण्डै दोब्बर बनाएको वित्तीय विवरण प्रकाशन गरेको छ ।
फ्रि प्रोफिट दुई अर्ब माथि
बैंकले बुधबार प्रकाशन गरेको नेपाल फाइनान्सियल रिर्पोटिङ्ग स्ट्याण्डर्ड (एनएफआरएस) प्रणाली अनुसार नबिलले पुस मसान्तसम्ममा वितरण योग्य नाफा (फ्रि प्रोफिट) दुई अर्ब ४ करोड ५०लाख रहेको छ । गत वर्ष बैंकको फ्रि प्रोफिट एक अर्ब ८३ करोड ७७ लाख रुपैयाँ रहेको थियो । समीक्षा अवधिमा बैंकको फ्रि प्रोफिट ११.२८ प्रतिशतले बढेको हो ।
नबिल बैंकको फ्रि प्रोफिट भने राष्ट्र बैंकको रेगुलेटरी एड्जस्टमेन्ट वापत १३ करोड १८ लाख रुपैयाँ व्यवस्था गर्दा खुद नाफाभन्दा घटेको छ । एनएफआरएस रिर्पोट अनुसार रेगुलेटरी एड्जस्टमेन्ट पश्चात कायम हुने फ्रि प्रोफिट केन्द्रीय बैंकले तोकेको प्रावधान अनुसार तोकिएको शिर्षकहरुमा व्यवस्था गरेपश्चात बैंकले शेयरधनीलाई लाभांश वितरणमा उपयोग गर्न सक्दछ ।
यस अवधिमा बैंकले दुई अर्ब १७ करोड ६८ लाख रुपैयाँ खुद मुनाफा आर्जन गरेको उल्लेख छ । यो नाफा गत आवको यसै अवधिको तुलनामा ३३ करोड ९ लाख बढी हो ।
नोट:रकमलाई हजारमा देखाइएको छ ।
एक खर्ब ४९ अर्ब निक्षेप संकलन गर्दा एक खर्ब ३० अर्ब कर्जा प्रवाह
नबिल बैंकले निक्षेप संकलन र कर्जा प्रवाह रकममा पनि क्रमश: २३ र २६ प्रतिशतले सुधार गरेको छ । बैंकले चालू आवको दोस्रो त्रैमास अवधिसम्म एक खर्ब ४९ अर्ब ३८ करोड २० लाख रुपैयाँ पुगेको छ । गत आवको प्रथम त्रैमासमा बैंकले एक खर्ब २१ अर्ब २८ करोड ९८ लाख रुपैयाँ निक्षेप संकलन गरेको थियो।
बैंकले यस अवधिमा एक खर्ब ३० अर्ब ७१ करोड ६ लाख रुपैयाँ कर्जा लगानी गरेको छ । गत आवको यसै अवधिमा बैंकले एक खर्ब २ अर्ब ९३ करोड ८१ लाख रुपैयाँ कर्जा परिचालन गरेको थियो ।
चुक्ता पूँँजी स्थिर, जगेडा कोष झण्डै दोब्बर
यस अवधिमा बैंकको चुक्ता पूँजी स्थिर रहेको छ भने जगेडा कोषको आकार झण्डै दोब्बर बनाएको छ।
गत पुस मसान्तसम्ममा ७ अर्ब ८५ करोड ५३ लाख रुपैयाँ रहेको बैंकको जगेडा कोषको आकार १४ अर्ब ५२ करोड ३७ लाख पुर्याएको छ । यससँगै बैंकको शेयरधनी कोष साढे २२ अर्ब बढी पुगेको छ ।
बैंकको चुक्ता पूँजी ८ अर्ब ४ करोड ३२ लाख रुपैयाँमा स्थिर रहेको छ ।
प्रतिशेयर आम्दानी वार्षिक ५४ रुपैयाँ २८ पैसा
गत आर्थिक वर्षको नाफाबाछ १२ प्रतिशत बोनस र २२ प्रतिशत नगद लाभांश वितरण गरेको बैंकले बोनस पूँजीकृत नगर्दा प्रतिशेयर आम्दानीमा सुधार देखिएको छ । पूँजी स्थिर भएर बैंकको नाफा सुधारले बैंकको प्रतिशेयर आम्दानीमा करिब ९ रुपैयाँले बढोत्तरी भएको छ ।
बैंकको गत आवको पुसमा वार्षिक ४५ रुपैयाँ ७० पैसाकायम गरेकोमा हाल ५४ रुपवैयाँ २८ पैसा पुगेको छ । यस्तै बैंकको प्रतिशेयर नेटवर्थ २८० रुपैयाँ ५७ पैसा र मूल्य आम्दानी अनुपात १५.४० गुणा रहेको छ ।
खुद ब्याज आम्दानी तीन अर्ब ६१ करोड
एनएफआरएस अनुसार बैंकले खुद ब्याज आम्दानीबाटै ३ अर्ब ६१ करोड १३ लाख रुपैयाँ आर्जन गरेको छ । यस अवधिमा बैंकले ७ अर्ब ३२ करोड ५० लाख ब्याज आम्दानी गरेर ३ अर्ब ७१ करोड ३७ लाख ब्याज खर्च गरेको हो ।
गत आर्थिक वर्षको ६ महिना अवधिमा बैंकको खुद ब्याज आम्दानी २ अर्ब ९३ करोड ५६ लाख रहेको थियो ।समीक्षा अवधिमा बैंकको खुद व्याज आम्दानी २३ प्रतिशतले वृद्धि भएको हो ।
निक्षेप लागत र आधार ब्याजदर दुबै बढ्यो
वित्तीय बजारमा लगानीयोग्य रहकमको अभावमा तरलताको चरम संकटको अवस्था सिर्जना हुँदा त्यसको असरले बैंकको आधार ब्याजदर र निक्षेप संकलन लागतमा समेत वृद्धि भएको छ ।
गत आवको दोस्रो त्रैमासमा बैंकको आधार ब्याजदर ६.९२ प्रतिशतबाट ७.९४ मा बढेको छ भने निक्षेप लागत ४.४३ बाट ५.९२ प्रतिशतमा बढेको छ ।
खराब कर्जामा उल्लेख्य सुधार
यस अवधिमा बैंकले व्यवसायको आकार बढ्दै गर्दा समेत खराब कर्जा अनुपात भने उल्लेख्य सुधार गरेको छ । जसलाई कुशल व्यवस्थापनको रुपमा बुझ्न सकिन्छ ।
गत आवको पुसमा बैंकमा खराब कर्जाको अनुपात १.१३ रहेकोमा ०.६२ प्रतिशतमा घटेको छ । यसअवधिमा बैंकको कर्जा निक्षेप अनुपात ७६.४९ बाट बढेर ७८.५० प्रतिशत पुगेको छ ।