योसँगै एप्पलको बजार पूँजीकरण ८२ हजार १०० करोड डलर पुगेको छ। दोस्रो नम्बरमा रहेको माइक्रोसफ्टको बजार पूँजीकरण ८१ हजार ९०० करोड डलर रहेको छ। ८१ हजार ६०० करोड डलरका साथ अमेजन तेस्रो नम्बरमा रहेको छ ।
एप्पलको शेयर मंगलबार १.७१ प्रतिशत नाफामा रह्यो। विगत ५ ट्रेडिङ सेशनभन्दा यसमा तीव्र वृद्धि भइरहेको थियो । जसका कारण कम्पनीको बजार पूँजीकरणमा वृद्धि भएको हो ।
नोभेम्बरमा एप्पललाई पछि पार्दै माइक्रोसफ्ट सबैभन्दा धेरै पूँजीकरण भएको कम्पनी बनेको थियो । १६ बर्षपछि माइक्रोसफ्ट सबैभन्दा बढी पूँजीकरण भएको कम्पनी बनेको थियो । तर जनवरीमा अमेजनले माइक्रोसफ्टलाई पछाडि पारिदिएको थियो । केही दिन पहिले फेरी माइक्रोसफ्ट पूँजीकरणमा नम्बर एकमा रहेको थियो ।
अगस्ट २०१८ मा एप्पलको बजार पूँजीकरण एक ट्रिलियन डलर पुगेको थियो । यो स्थान हासिल गर्ने एप्पल दुनियाँको दोस्रो कम्पनी बनेको थियो । तर आइफोनको विक्री घटेका कारण उसलाई केही दिनदेखि नोक्सान भइरहेको थियो । त्यसैले एप्पलको शेयरमा गिरावट आएको थियो र कम्पनीको बजार पूँजीकरण माइक्रोसफ्ट र अमेजनभन्दा पछाडि परेको थियो ।
एजेन्सी
