नेप्से परिसूचक घटेपनि यस साता गत साताको तुलनामा काारोबार रकम भने १२ प्रतिशत अर्थात १६ करोड ६२ लाख रुपैयाँले बढेको छ ।
पाँच कारोबार दिन नै खुला रहेको नेपाल स्टक एक्सचेञ्जमा यस साता स्टकमा कूल १८७ कम्पनीका ५१ लाख ३ हजार ६०० कित्ता शेयर एक अर्ब ५० करोड ४४ लाख ४० हजार रुपैयाँमा खरिद बिक्री भएका छन् । गत साता १८७ कम्पनीका ४५ लाख ७२ हजार ८६० कित्ता शेयर एक अर्ब ३३ करोड ८१ लाख ८० हजार रुपैयाँमा खरिद बिक्री भएको थियो ।
अपर तामाकोशी उच्च कारोबार
यस साता अपर तामाकोशी हाइड्रोपावर कम्पनीको शेयर सबैभन्दा धेरै शेयर बराबरको काराबार भएको छ । कम्पनीको ५ लाख २२ हजार कित्ता शेयर १० करोड ४४ लाख रुपैयाँमा खरिद बिक्री भएको हो ।
यसैगरि नेपाल बैंकको ६ करोड ६५ लाख, नेपाल टेलिकमको ६ करोड १६ लाख, माछापुच्छ्रे बैंकको ५ करोड ९३ लाख, नागरिक लगानी कोषको ५ करोड ७८ लाख, नबिल बैंक ४ करोड ७७ लाख, नेपाल इन्स्योरेन्स ४ करोड ५९ लाख, नेपाल इन्भेष्टमेन्ट बैंकको ४ करोड ५२ लाख, एनएमबि बैंक ३ करोड ९४ लाख र दशौं ठूलो कारोबार भएको छिमेक लघुवित्तको ३ करोड ६७ लाख रुपैयाँ बराबरको शेयर कारोबार भयो ।
समूहगत उप-सूचकमा यस्तो देखियो परिवर्तन
गत साताको तुलनामा यस साता २२ अंकले नेप्से सूचक ऋणात्मक बन्दा ११ उप समूहमध्ये सबै ऋणात्मक बनेका छन् । जीबन बीमाको इन्डेक्स सबैभन्दा धेरै १८८ अंकले घटेर ५ हजार ८३२.४८ बिन्दुमा झरेको छ । यस साता सबैभन्दा कम ब्यापार उप समूह २.७० अंक घटेर २५१.२० बिन्दुमा झरेको छ ।
बैंकिङ्क १२.९३, लघुवित्त १९.९१, निर्जीबन बीमा ९४.१५, वित्त ५.७५, अन्य २३.४९, जलविद्युत ४८.६८, विकास बैंक १६.२१, होटल्स २६.९९ अंक र उत्पादन तथा प्रशोधनको इन्डेक्स पनि आइतबार खुला भएको बिन्दुको आधारमा ७९ अंकले घटेर एक हजार ९४५.७८ अंकमा झरेको छ।