यस्तै कम्पनीले पुर्नबीमा कमिशन आयबाट १० करोड ४९ लाख रुपैयाँ लगानी कर्जा तथा अन्य आयबाट ४ करोड ४ लाख रुपैयाँ आम्दानी गरेको छ ।
यस अवधिमा नेको इन्स्योरेन्सले १७ करोड ३ लाख रुपैयाँ खुद नाफा गरेको छ । गत वर्षको दोस्रो त्रैमासमा कम्पनीले ११ करोड ६५ लाख रुपैयाँ खुद नाफा कमाएको थियो ।
एक अर्ब १९ करोड ६२ लाख रुपैयाँ चुक्ता पूँजी रहेको कम्पनीको जगेडा कोषमा ४४ करोड रुपैयाँ, बीमा कोषमा ५४ करोड ३४ लाख रुपैयाँ र महाविपत्ती कोषमा ५ करोड ४ लाख रुपैयाँ संचित छ ।
एक लाख ३८ हजार ३६८ वटा बीमा लेख जारी गरेको कम्पनीले यस अवधि सम्ममा ९७ करोड ९७ लाख रुपैयाँ कुल बीमा शुल्क संकलन गरेको छ । कम्पनीमा नविकरण गरिएको बीमालेख संख्या १८ हजार ५३२ छ ।
समीक्षा अवधिमा कम्पनीले २ हजार ३३ वटा दाबी वापत ४२ करोड १९ लाख रुपैयाँ भुक्तानी गरेको छ भने १ हजार २८१ वटा दाबी वापत ३२ करोड ८८ लाख रुपैयाँ भुक्तानी हुन बाँकी छ ।
कम्पनीको प्रतिशेयर आम्दानी २८ रुपैयाँ ९६ पैसा, प्रतिशेयर नेटवर्थ १८७ रुपैयाँ ९३ पैसा र मूल्य आम्दानी अनुपात १८.३४ गुणा बढी छ ।