आयोजना प्रभावित बासिन्दाका लागि यसअघि नै शेयर निष्काशन गरेको कम्पनीले सर्वसाधारणमा शेयर निष्काशनगर्न बोर्डको स्वीकृति पाएको हो ।
क्रेडिट रेटिङ्ग चार पाएको हाइड्रोलाई स्थानीयले नकिनेको समेतको शेयर सर्वसाधारणमा बिक्री गर्न अनुमति दिएको हो ।
आयोजना प्रभावितका लागि निष्काशन गरेको मध्ये ५ लाख ६६ हजार ११० कित्ता शेयर बिक्री भएको थिएन । हाइड्रोले गत असार २२ गते देखि आयोजना प्रभावित स्थानीकोलागि १२ करोड ५० लाख रुपैयाँ बराबरको १२ लाख ५० हजार कित्ता आइपिओ निष्काशन गरेको थियो ।
पाँथरको फिदिममा रहेको २१.६ मेगावाटको आयोजनामा हेवा र फेमे खोलाको पानी प्रयाग गरिएको छ । आयोजना बनाउन करिब चार अर्ब रुपैयाँ लाग्ने बताइएको छ । यस आयोजनाको प्रतिमेगावाट लागत १८ करोड ३० लाख रुपैयाँ रहेको छ । २०७१ मा हाईड्रोपावर र विद्युत प्राधिकरणबिच विद्युत्त खरिद सम्झौता भइसकेको छ ।