सन् २०१७ बाट अमेरिकी कच्चा तेल आयात सुरु गरेसँगै यो पहिलोपटक कुनै भारतीय प्रशोधन कम्पनीले बार्षिक सम्झौतामा हस्ताक्षर गरेको हो ।
कम्पनीले आफ्नो बयानमा भनेको छ, इन्डियन आयलले अमेरिकी ग्रेडको ३० लाख टन कच्च तेल आयातका लागि निर्धारित समयावधिलाई अन्तिम रुप दिएको छ । यो उसको कच्चा तेल आपूर्तिको स्रोतमा विविधता ल्याउने रणनीति अनुरुप रहेको छ ।
कम्पनीले सन् २०२० को मार्चसम्म प्रतिदिन ६० हजार ब्यारेल तेल आयातका लागि १ अर्ब ५० करोड डलरको सम्झौता गरेको हो ।
यो सम्झौताले आगामी दिनमा अमेरिका र भारतको व्यापार विस्तारका लागि पनि सहयोग पुग्ने उनको अपेक्षा छ । यसअघि भारतीय तेल प्रशोधकले अमेरिकी तेल खरीदका लागि कुनै सम्झौता गरेका थिएनन् । एजेन्सी