राष्ट्रिय योजना आयोगले तयार गरेको पन्ध्रौं योजनाको पञ्चवर्षिय मस्यौदाको आधारपत्रमा समष्टिगत पूँजी बजारलाई पनि समेटिएको छ ।
जहाँ सरकारले समृद्ध नेपाल, सुखी नेपालीको राष्ट्रिय लक्ष्यलाई भेटाउन पूँजी बजारको पनि उत्तिकै आवश्यक छ भन्ने कुरा उल्लेख गरेको छ। सरकारले पूँजी बजार सहित अन्य आर्थिक समृद्धिका सूचकहरुलाई पनि उत्तिकै महत्वकासाथ लिएको छ।
पञ्चवर्षिय योजनाले धितोपत्र तथा वस्तु विनिमय बजारलाई पहुँच योग्य र विश्वसनीय बनाउने लक्ष्य राखेको छ। हाल सिमिति क्षेत्रमा मात्र केन्द्रित रहेको पूँजी बजारलाई देशका अन्य ग्रामिण भेगका लगानीकर्ताको पहुँचमा पुयाृउने र पूँजी बजारमा लगानी गर्ने वातावरण निमार्णमा अग्रसर देखिन्छ।
सरकारले पाँच वर्ष भित्रमा पूँजी बजारको सुधार तथा विकासका लािग कानूनी, संस्थागत र संरचनागत सुधार गरी धितोपत्र तथा वस्तु विनिमय बजार सञ्चालन तथा नियमन प्रणालीलाई अन्तराष्ट्रिय स्तरको बनाउने, धितोपत्र तथा वस्तु विनिमय बजारलाई स्वच्छ, प्रतिष्पर्धी र विश्वसनीय बनाउने र धितो पत्र बजारमा साना, स्वदेशी तथा विदेशी संस्थागत लगानीकर्ताको आकर्षण बढाउने लक्ष्य राखेको छ ।
