एभरेष्ट इन्स्योरेन्सको मिशन - अर्ब पूँजी : तीन सय प्रतिशत हकप्रद ल्याउने

Mar 13, 2019 Merolagani

बीमा समितिले तोकेको न्युनतम चुक्ता पूँजी १ अर्ब पुर्याउन एभरेष्ट इन्स्योरेन्सले फेरी हकप्रद शेयर निष्काशन गर्ने भएको छ । इन्स्योरेन्सले ३०० प्रतिशत हकप्रद निष्काशन गर्नको लागि फागुन १५ गते धितोपत्र बोर्डमा आवेदन दिएको छ ।

यस अघि नै एकै पटक ६ सय प्रतिशत हकप्रद निष्काशन गरेर चुक्ता पूँजी एक अर्ब पुर्याउने योजना अघि सारेको कम्पनीलाई नियामक निकायले संस्थापक र सर्वसाधारणको शेयर हिस्सा ५१ अनुपात ४९ कायम गर्न लगाएको थियो ।

सर्वसाधारणको मात्र शेयर रहेकाले ५१ प्रतिशत संस्थापक जन्माउनका लागि कम्पनीले गत मंसिरमा १०५ प्रतिशत संस्थापक हकप्रद शेयर बिक्री गरेको थियो । सोही बेला उद्घोष गरे अनुरुप कम्पनीले ३ सय प्रतिशत अर्थात ८२ लाख १९ हजार ४७५ कित्ता हकप्रद निष्काशन गर्न बोर्डसँग अनुमति मागेको हो । कम्पनीको २३ औं बार्षिक साधारण सभाले संस्थापक हकप्रदपछि ३०० प्रतिशत हकप्रद शेयर बिक्री गर्ने निर्णय पारित गरेको थियो ।

गत आर्थिक वर्षको कमाईबाट बोनस बितरण तथा संस्थापक हकप्रद बेचे पछि अहिले कम्पनीको चुक्ता पूँजी चुक्ता पूँजी २७ करोड ३९ लाख रुपैयाँ छ । ३ सय प्रतिशत हकप्रद निष्काशन पछि कम्पनीको चुक्ता पूँजी १ अर्ब ९ करोड ५९ लाख रुपैयाँ पुग्नेछ ।

comments powered by Disqus

शिवम् सिमेन्टको शेयर सूचीकरण, कतिमा खुल्छ कारोबार ?

Mar 19, 2019

शिवम सिमेन्ट (SCL) को चैत ५ गते मंगलबार ४ करोड ४० लाख कित्ता शेयर सूचीकृत भएको छ। कम्पनीले मंगलबार नेप्सेसँग काराेबारका लागि सूचीकरण सम्झौता गरेसँगै बिहीबारदेखि कारोबार हुनेछ। बुधबार फागु पूर्णिमाको सार्वजनिक विदा परेकाले चैत ७ गते बिहीबार मात्रै नेप्सेमा कारोबार खुल्ने भएकाे हाे।