Mon, Apr 29, 2024
आन्तरिक राजश्व कार्यालय ठमेलले तोकिएको समयमा कर नतिर्ने त्यस क्षेत्रका व्यापारीलाई १५ दिने अल्टिमेटम जारी गरेको छ । बुधबार एक सूचना जारी गर्दै कार्यालयले १५ दिन भित्र राजश्व दाखिला नगरे कानून बमोजिम कारवाही गरेर बाँकी बक्यौता कर उठाइने उल्लेख छ ।
ठमेल क्षेत्रमा ब्यापार व्यवसाय गर्दै आएका ब्यापारीले आयकर र मूल्य अभिवृद्धि कर तिर्न आनाकानी गरे पछि सूचना जारि गरिएको कार्यालयद्धारा जारि सूचनामा भनिएकाे छ । कर उठाउनका लागि गरेको पटक पटकको ताकेता व्यापारीहरूले नमानेको कर कार्यालयले जनाएको छ ।
आजदेखि शुरु हुने भनिएको पूँजीबजारका लगानीकर्ताहरुको आन्दोलन स्थगित भएको छ। पूँजीबजार सुधार तथा विकासका माग राखि गर्न लागिएको आन्दोलन स्थगित भएको जानकारी पूँजीबजार सुधार संघर्ष समितिका संयोजक उपेन्द्र पाठकले जानकारी दिएका छन्।