कम्पनीले शुक्रवार सार्जजनिक गरेको गत आर्थिक बर्षको चौथो त्रैमासिक प्रतिबेदनमा ५ करोड ९३ लाख रुपैयाँ खुद नाफा भई प्रतिशेयर आम्दानी ५८.६६ कायम भएको जनाईएको छ । कम्पनीले अघिल्लो आर्थिक बर्षमा ४ करोड ८२ लाख रुपैयाँ खुद नाफा गरेकोमा गत आर्थिक बर्षको खुद नाफा १ करोड ११ लाख रुपैयाँ बढी हो ।
कम्पनीको चुक्ता पूँजी १० करोड १२ लाख मात्र रहेकाले बीमा समितिले तोकेको न्युनतम पूँजी २५ करोड पुर्याउँन कम्पनीले धेरै बोनस शेयर र हकप्रद शेयर जारी गर्नुपर्ने वा मर्जमा जानुपर्ने बाध्यता रहेको छ ।
कम्पनीको जगेडा कोषमा १० करोड २८ लाख र बीमा कोषमा ४ करोड ८८ लाख रुपैयाँँ रहेको भन्दै कम्पनीको अबस्था सन्तोषजनक रहेको देखाईएको छ । विगतमा कम्पनी भित्र संस्थागत सुशासनमा कमी आई केही समस्याहरु भोग्नु परे पनि नियमनकारी निकायहरुसँगको निकट सम्बन्धले हाल संस्थागत सुशासन सुदृढ भएको प्रतिबेदनमा उल्लेख गरिएको छ ।