राष्ट्र बैंकको निर्देशन अनुसार लघुवित्तले वित्तीय विवरण संशोधन गरी पेश गर्दा प्रस्तावित बोनसमा परिवर्तन आएको लघुवित्तले जनाएकाे छ।
त्यस अनुसार लघुवित्तले आर्थिक वर्ष २०७६/७७ सम्मको संचित मुनाफाबाट मर्जर पश्चात कायम रहेको चुक्ता पूँजी २३ करोड ५३ लाख रुपैयाँको ८.१३ प्रतिशत अर्थात १ करोड ९१ लाख रुपैयाँ बराबरको बोनस शेयर र कर प्रयोजनको लागि ०.४३ प्रतिशत अर्थात १० लाख ८ हजार रुपैयाँ बराबरको लाभांश प्रस्ताव गरेको छ ।
उक्त बोनस वितरण पछि लघुवित्तको चुक्ता पूँजी २४ करोड ६३ लाख रुपैयाँ पुगनेछ ।
यस अघि लघुवित्तले चुक्ता पूँजीको ९.११ प्रतिशत अर्थात २ करोड १४ लाख रुपैयाँ बराबरको बोनस र कर प्रयोजनको लागि ०.४८ प्रतिशत नगद लाभांश प्रस्ताव गरेको थियो ।
उक्त लाभांश राष्ट्र बैंकबाट स्वीकृति पश्चात लघुवित्तको आगामी वार्षिक साधारण सभाले पारित गरेपछि शेयरधनीले पाउनेछन् ।
