दूरसञ्चार प्राधिकरणको २३ औं बार्षिकउत्सवमा अध्यक्ष पुरुषोत्तम खनालले एमडीएमएस जडानको प्रक्रिया अन्तिम चरणमा पुगेको बताएका हुन ।
उनका अनुसार एमडीएमएस जडान,इन्स्टलेसन र स्थापनाको कार्य अगाडि बढिसकेको र अबको जेठबाट नेपालमा अवैध रुपमा भित्रिने मोबाइल चलाउन पाइने छैन ।
प्राधिकरणले एमडिएमएस प्रणाली स्थापना गर्न मलेसियन कम्पनीलाई ८० करोड रकममा ठेक्का सम्झौता गरेको थियो ।
अहिले नेपाल भित्रने मोबाइल मध्ये ४० प्रतिशत मोबाइल अवैध बाटो हुँदै आउने गरेको छ । मोबाइल आयातकर्ताले प्राधिकरणलाई एमडिएमएस सञ्चालनमा ढिलाइ भइरहेको भन्दै आएका थिए ।
अब भने जेठबाट यो प्रणाली पूर्णरुपमा सञ्चालनमा आउने प्राधिकरणले जनाएको छ ।
यस अघि प्राधिकरणले इन्टरनेसनल मोबाइल इक्विपमेन्ट आइडेन्टिटी (आईएमईआई) नम्बर दर्ता गराउने काम गर्दै आएको छ ।
