बलिउड अभिनेत्री सन्नी लियोनकाे तस्बिर उत्तर प्रदेशस्थित प्रहरीकाे भर्ना परीक्षाकाे प्रवेशपत्रमा देखिएपछि यस घटनाले चर्चा बटुलेकाे हाे। खासगरी, यूपी पुलिस भर्ना परीक्षाको प्रवेश पत्रमा सन्नी लियोनको नाम र तस्विर देखेर मानिसहरू छक्क परेका थिए। त्यसपछि, उक्त एडमिट कार्डको तस्विर सामाजिक संजालमा भाइरल भइरहेको छ।
यद्यपि, यसमा दर्ता र रोल नम्बरमा आवेदककाे नाम भने सही छ। अहिले यो विषयमा आवेदककाे भिडियो सार्वजनिक भएको छ । भिडियोमा आवेदकले आफ्नो एडमिट कार्डमा सन्नी लियोनको तस्विर कसरी देखियो भन्ने बताएका छन् ।
यूपी पुलिस कन्स्टेबल भर्ना परीक्षाको प्रवेश पत्र सामाजिक सञ्जालका विभिन्न प्लाटफर्महरूमा भाइरल भइरहेको छ, जसमा उम्मेदवारको सट्टा सन्नी लियोनको तस्विर र नाम लेखिएको छ। भाइरल प्रवेशपत्र महोबा जिल्लाको रगौलिया बुढो गाउँका धर्मेन्द्र कुमारको हो। यो ३९ सेकेन्डको भिडियोमा उम्मेदवारले आफू कसरी सन्नी लियोन बनेको बताएकी छन् ।
के भएकाे थियाे ?
भिडियोमा जब व्यक्तिलाई सोधियो, "तपाईँ कसरी सन्नी लियोन बन्नुभयो र यो पूरा घटना के हो ?"
यसबारे आवेदकले सुरुमा आफ्नो एडमिट कार्ड निकालेकाे बताएका थिए । त्यसमा उनको फोटो मात्र थियो तर पछि कसरी परिवर्तन भयो भन्ने बारेमा उनलाई थाहा नभएकाे पनि भिडियाेमा बताएका छन् । जसपश्चात उनको फोटोको साटाे सन्नी लियोनको फोटो र नाम देखियो। यस्तो अवस्थामा यो एडमिट कार्ड सामाजिक सञ्जालमा भाइरल हुन थाल्यो जसमा मानिसहरुले निकै रमाइलो कमेण्ट गरिरहेका छन् ।
क्याप्सनमा लेखिएको रमाइलो कुरा
यो भिडियो सामाजिक संजाल Xमा @GaurangBhardwa1 नामक अकाउण्ट मार्फत शेयर गरिएको छ। भिडियो शेयर गर्दै क्याप्सन लेखिएको छ, "यूपी नेक्स्ट लेभल.... पत्रकार- कसरी बन्नुभयो सन्नी लियोन?" यो भिडियोलाई अहिलेसम्म ६ लाखभन्दा बढीले हेरिसकेका छन् भने ६ हजारभन्दा बढीले लाइक गरेका छन् ।
एजेन्सी ।