साधारण शेयर निश्काशनमा लघुवित्त बिकास बैंकको बाढी आउने क्रमसँग फेरि अर्को बिजय बिकास लघुवित्त बिकास बैंकले साधारण शेयर निश्काशनका लागि आब्हान पत्र जारी गरेको छ । मिर्मिरे लघुवित्तको साधारण शेयरमा आबेदन बन्द भएको पर्सीपल्ट दोस्रो कम्पनीले चार लाख बीस हजार कित्ता साधारण शेयर निश्काशनका लागि आब्हानपत्र जारी गरेको हो । यस भन्दा अघिल्लो दिन मंगलबार आईएलएफसिओ लघुवित्तले चार लाख कित्ता साधारण शेयर निश्काशनका लागि आब्हान पत्र जारी गरेको थियो । 

नवलपरासीको गैडाकोटमा विजय बिकास स्रोत केन्द्र नामक संस्थाले प्रबद्र्दन गरेको बिजय बिकास लघुवित्तले चैत्र १८ गतेदेखि शेयर बिक्री गर्ने सुचना जारी गरेको हो । शेयरमा लगानीकर्ताले ५० देखि २००० कित्तासम्म आबेदन गर्न पाउने छन् ।

राष्ट्र बैंकबाट एनजीओको रुपमा सिमित बैंकिङ कारोबार गर्ने स्वीकृति लिएर काम गर्दै आएको बिजय बिकासले केही महिनाअघि लघुवित्त बिकास बैंकमा रुपान्तरण भएपछि सर्वसाधारणमा शेयर निश्काशन गरेको हो । यसमा काठमाडौको गुडविल फाईनान्सको मुख्य लगानी रहेको छ । हाल ९ करोड ८० लाख रुपैयाँ चुक्ता पूँजी रहेको यस कम्पनीको साधारण शेयर निश्काशनपछि १५४ करोड पुग्ने छ । गत आर्थिक बर्षमा ३ लाख ९१ हजार मात्र खुद नाफा गरेको थियो ।

शेयरको निश्काशनकर्ता तथा बिक्री प्रबन्धक ग्रोमोर मर्चेन्ट बैंकर रहेको छ । यसमा आबेदन गर्न चाहनेले ग्रोमोर मर्चेन्ट, विजय लघुवित्त, , एनआइृबीएल क्यापिटल, एस क्यापिटल, एस डेभ्लपमेन्ट बैंक, सिद्दार्थ डेभ्लपमेन्ट बैंक र साझा बिकास बैंकका शाखा कार्यालयहरुमा आबेदन बुझाउन सकिने ब्यवस्था मिलाईएको छ ।

राष्ट्र बैंकबाट सिमिति बैंकिङ कारोबार गर्ने स्वीकृति लिएका अरु १८ वटा एनजीओहरुले यसै गरी लघुवित्त बैंकको रुपमा परिवर्तन भएर काम सुरु नगरे आगामी असार मसान्तबाट उनीहरुको स्वीकृति पत्र खारेज हुनेछ ।

यो पनि पढ्नुहोस् 

लघुवित्तको साधारण शेयर आउने क्रम तीब्र, मिर्मिरे लगत्तै आईएलएफसीओ माईक्रोफाईनान्सको चार लाख कित्ता निश्काशन

बरुण हाईड्रो र जनउत्थान लघुवित्तको शेयर पाउनु भाग्योदय चिठ्ठा जस्तै हुने

Click here to enlarge Image