बैंकले एक सय रुपैयाँ दरको ८१ लाख एक हजार ४ सय ३८ कित्ता शेयर निष्कासन गरेको छ । बैंकका शेयरधनीले साउन २७ गतेदेखि भदौ २९ गतेसम्म हकप्रद शेयरका लागि आवेदन दिन पाउनेछन् ।
मेगा बैंकको शेयर निष्काशन तथा बिक्री प्रबन्धकमा ग्लोबल आइएमई क्यापिटल रहेको छ । बैंकका शेयरधनीले मेगा बैंकका सबै शाखा र ग्लोबल आइएमई क्यापिटलबाट हकप्रद शेयर भर्न सक्नेछन् ।
मेगा र पश्चिमान्चल गाभिएपछि मेगाको चुक्ता पूँजी ३ अर्ब २५ करोड पुगेको छ । २५ प्रतिशत हकप्रद शेयर निष्काशन पछि बैंकको चुक्ता पुँजी ४ अर्ब ५ करोड रुपैयाँ हुनेछ। बैंकले आगामी असार मसान्तसम्म चुक्ता पुँजी आठ अर्ब रुपैयाँ पुर्याउनु पर्नेछ । अर्को बर्ष एक अर्बसम्म पूँजी भएको एउटा कम्पनीलाई आफुमा गाभ्ने र हकप्रद र बोनसबाट चुक्ता पूँजी ८ अर्ब पुर्याउने योजना मेगाको छ ।
मर्जरपछि एनएमबी र मेगाको प्रगति नै प्रगति,खराब कर्जा घटाएर नाफा उच्च
बैंकले गत आर्थिक बर्षमा ५५ करोड २० लाख खुद नाफा कमाएको छ । अघिल्लो बर्ष ३४ करोड ६२ लाख नाफा कमाएको बैंकको नाफा २० करोड ५८ लाख अर्थात ५९ प्रतिशतले बढी हो ।
वोमी माइक्रोफाइनान्सको ५० प्रतिशत हकप्रद भदौ १३ गतेदेखि
यस्तै वोमी माइक्रोफाइनान्सले पनि भदौ १३ गतेदेखि ५० प्रतिशत अर्था दुई बराबर एकका दरले हकप्रद शेयर जारी गर्ने भएको छ । कम्पनीको चौथो वार्षिक साधारणसभाले पचास प्रतिशत हकप्रद निष्कासनको प्रस्ताव पारित गरेको थियो । बैंकको हकप्रदमा असोज २६ गतेसम्म आवेदन दिन सकिनेछ ।
हकप्रद शेयर निष्काशन पश्चात संस्थाको चुक्ता पूँजी ५ करोड ४० लाख रुपैयाँ पुग्नेछ ।
वोमी माईक्रोफाईनान्सले गत आर्थिक बर्षमा १ करोड ७७ लाख रुपैयाँ खुद नाफा कमाएको छ । ३ करोड ६० लाख रुपैयाँ चुक्ता पुँजी भएको कम्पनीको जगेडा कोषमा २ करोड ५२ लाख रुपैयाँ रहेको छ ।
कम्पनीको निष्कृय कर्जा १.८५ प्रतिशत रहेको छ । कम्पनीको प्रतिशेयर आम्दानी ४९.३३ रुपैयाँ, मुल्य आम्दानीको अनुपात ६८.७२ गुणा रहेको छ ।
वोमि माइक्रोफाइनान्सको शेयर निष्काशन तथा बिक्री प्रबन्धकमा सिद्धार्थ क्यापिटल रेहको छ ।
हाल संस्थाको देशका विभिन्न ११ जिल्लाहरुका १६ वटा स्थानहरुमा शाखा कार्यालय सञ्चालनमा रहेका छन । यस वित्तीय संस्थाले नेपाल राष्ट्र बैंकबाट १५ जिल्ला कार्यक्षेत्रका लागि स्वीकृति प्राप्त गरेको छ ।
...................................................................................................................................................................
डिम्याट खाता खोल्नु भएको छैन ? घरमै बसी बसी अनलाइनबाट डिम्याट खाता खोल्न चाहनुहुन्छ भने यहाँ क्लिक गर्नुहोस् ।
....................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।
...................................................................................................................................................................
