‘बैंकले गत वर्षको कमाई तथा जगेडा कोषबाट बोनस बितरण पश्चात बन्ने झण्डै ४ अर्ब ६८ करोड पूँजीको ३ बराबर १ कित्ताका दरले हकप्रद निष्काशन गर्ने प्रस्ताव भएको छ ।’ मेरोलगानीसँग कुरा गर्दै बैंकका एक अधिकारीले भने ।
अहिले २ अर्ब ७५ करोड रुपैंया चुक्ता पूँजी रहेको बैंकले बोनसबाट पूँजी ४ अर्ब ६७ करोड बढी बनाउने निर्णय गरेको हो । यस अघि पटक पटक राष्ट्र बैंकमा ५० प्रतिशत बोनसको प्रस्ताव लिएर गएको बैंकलाई राष्ट्र बैंकले दिएको दबाबका कारण नै ८० प्रतिशत बोनस प्रस्ताव गरेको बुझिएको छ ।
नेपाल राष्ट्र बैंकले यस अघिको बैंकको प्रस्ताव अस्विकार गरेका कारण ७० प्रतिशत बोनस सहजै स्वीकृत हुँदा बैंकको पूँजी झण्डै १ अर्ब ९३ करोड रुपैंयाले बढ्ने छ । बोनस बितरण पश्चात कायम हुने पूँजीबाट बैंकले १ अर्ब ५६ करोड रुपैंया बराबरको हकप्रद निष्काशन गरी यसै आर्थिक वर्षको अन्त्यसम्मा चुक्ता पूँजी ६ अर्ब २४ करोड रुपैंया पुर्याउने छ ।
आगामी आर्थिक वर्षको अन्त्यसम्ममा बैंकले अरु १ अर्ब ७६ करोड रुपैंया पूँजी वृद्धि गर्नुपर्ने हुन्छ । बैंकको जगेडा कोषमा अहिले नै ६ अर्ब ३८ करोड रुपैंया सञ्चित भएका कारण आगामी वर्ष बैंकले चालु आर्थिक वर्षको कमाईबाट बोनस बितरण गरेर नै चुक्ता पूँजी ८ अर्ब पुर्याउने देखिन्छ । गत आर्थिक वर्षमा १ अर्ब ७३ करोड रुपैंया कमाई गरेको बै.कले चालु आर्थिक वर्षको पहिलो त्रैमासमा नै ५१ करोड रुपैंया खुद नाफा गरी प्रतिशेयर आम्दानी ७७ रुपैंया १३ पैसा कायम गरेको छ ।
एभरेष्ट बैंकले जम्बो बोनस प्रस्ताव गर्ने आशमा केही दिनदेखि अधिक मात्रामा शेयर कारोबार हुँदै आएको बैंकको शेयर मूल्य पनि क्रमिक रुपमा माथि लाग्दै गएको थियो । यस क्रममा बुधबार बजार खुलेको केहीबेरमा नै ३ हजार ९ सय रुपैंयासम्म पुगेको प्रतिकित्ता शेयरमूल्य ३ हजार ७ सय ९५ रुपैंयामा अन्तिम पटक कारोबार भएको छ । बुधबार मात्रै एभरेष्ट बैंकको १ लाख १ हजार ८ सय ७९ कित्ता शेयर ३८ करोड ७२ लाख २४ हजार ५ सय रुपैंयामा किनबेच भएका थिए ।
मौद्रिक नीति मार्फत राष्ट्र बैंकले आगामी असार मसान्तसम्ममा चुक्ता पूँजी ८ अर्ब रुपैंया पुर्याउनु पर्ने व्यवस्थालाई अनिवार्य गरे पछि वाणिज्य बै.कहरु आफ्नो क्षमता अनुसारको योजना बनाएर पूँजी वृद्धि गर्ने चटारोमा छन् ।
...................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।
