अब सानिमा बैंकका लगानीकर्ताले शेयर सम्बन्धि सबै कामका लागि नयाँ शेयर रजिष्ट्रारकोमा जानु पर्ने हुन्छ । आइतबार सानिमा बैंक र सि.बि.आई.एल क्यापिटलबीच हकप्रद शेयर निष्कासन गर्ने सम्बन्धमा दुई पक्षिय सम्झौता भएको छ । उक्त सम्झौतामा बैंकका तर्फबाट नायब प्रमुख कार्यकारी अधिकृत तेजबहादुर चन्द र सि.बि आई.एल क्यापिटलका नायवप्रमुखकार्यकारी अधिकृत नलिना श्रेष्ठले हस्ताक्षर गरेका हुन् ।
सानिमा बैंकले १०:३ को अनुपातमा हाल कायम चुक्तापूँजीको ३० प्रतिशत अर्थात एक अर्ब उन्नासाठी करोड रुपैयाँ बराबरको एक करोड ५९ लाख १७ हजार ६ सय ७ किता हकप्रद शेयर निष्कासन गर्देछ ।
गत आर्थिक बर्षको मुनाफाबाट बैंकले १५ प्रतिशत बोनस शेयर वितरण तथा ५० प्रतिशत हकप्रद बिक्री गरेर चुक्तापूँजी ५ अर्ब २७ करोड रुपैयाँ पुर्याएको थियो । अब ३० प्रतिशत हकप्रद बिक्री गरेपछि बैंकको पुँजी ६ अर्ब ८६ करोड रुपैयाँ पुग्नेछ ।
सानिमा बैंकको मेचीदेखि महाकालीसम्म ४१ वटाशाखा संजालतथा ४७ वटा ए.टि.एम रहेका छन ।
....................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।
....................................................................................................................