फाईनान्स कम्पनीले पनि पाउने भए आस्बाबाट सेयर आवेदन संकलनको काम, हेर्नुहोस आस्बामा सहभागि अढाई दर्जन बैंकहरु कुन् कुन् हुन् ?

Jan 11, 2017 Merolagani

नेपाल धितोपत्र बोर्डले ग वर्गका वित्तीय संस्थाहरुलाई पनि आस्बा प्रणालीबाट सेयर आवेदन संकलन गर्न दिने भएको छ । यस अघि क र ख वर्गका वित्तीय संस्थालाई मात्र बोर्डले आस्बामा सहभागि गराउने भने पछि फाइनान्स कम्पनीहरुले आफुहरुलाई पनि धितोपत्र बोर्डले माघ १ गतेदेखि लागु गर्न खोजिएको आस्बा प्रणालीमा सहभागी गराउन माग गरेका थिए ।

‘नेपाल वित्तीय संस्था संघको अनुरोधलाई समेत दृष्टिगत गरी आगामी फागुन महिनादेखि नेपाल राष्ट्र बैंकबाट “ग” वर्गका इजाजतपत्र प्राप्त वित्त कम्पनीहरुलाई समावेश गराई यस प्रणालीलाई क्रमशः अनिवार्य गर्ने बोर्डको योजना रहेको छ ।’ धितोपत्र बोर्डद्धारा जारी विज्ञप्तीमा उल्लेख छ ।

वित्तीय संस्था संघका अध्यक्ष सरोजकाजी तुलाधरले धितोपत्र बोर्ड र अन्य सरोकारवाला निकायहरुमा माग पत्र पेश गर्दै आस्बा प्रणालीमा सहभागी भएर काम गर्न आफुहरुलाई बंचित नगर्न अनुरोध गरेका पछि बोर्डले फाइनान्स कम्पनीहरुलाई पनि आस्बामा सहभागि गराउने निर्णय गरेको हो ।

सबै लगानीकर्ताले माघ १ देखि नै अनिवार्य रुपमा आस्बाबाट सेयर आवेदन गर्नु पर्ने छैन । यस सम्बन्धमा बोर्डले विज्ञप्ती जारी गर्दै भनेको छ, ‘आस्बा प्रणाली हाल ऐच्छिक भएकोेले बोर्डले अनिवार्य नगरेसम्म बिद्यमान संकलन केन्द्र सम्बन्धी व्यवस्थामार्फत समेत लगानीकर्ताहरुले सार्वजनिक निष्काशनमा शेयर खरिदका लागि आवेदन गर्न सक्नेछन र यस सम्बन्धमा लगानीकर्ताहरुलाई जानकारी दिन बोर्डबाट सार्वजनिक सूचना समेत प्रकाशन गरिसकिएको छ ।’

बोर्डले माघ १ गतेदेखि निश्काशन हुने साधारण सेयरको आबेदनमा आश्बा प्रणाली लागु गर्ने तयारी गरेको छ । यसमा लगानीकर्ताको खातामै पैसा रोक्का गरेर आबेदन स्वीकार गरिने एप्लिकेशन सपोर्ट बाई ब्लक्ड एमाउन्ट प्रक्रिया अबलम्बन गरिने छ ।

आस्बा प्रणालीबाट कुन कुन बैंक मार्फत गर्न सकिन्छ सेयर आवेदन ?

नेपाल धितोपत्र बोर्डका अनुसार बुधबारसम्ममा २७ बैंकहरुलाई आस्बामा सहभागि गराईएको छ । यस्तो छ बैंकहरुको सूची

नयाँ नेपाल लघुवित्तले प्रस्ताव गर्यो बोनस,बोनसपछि २५० प्रतिशत हकप्रद जारी गर्ने

Nov 24, 2017

नयाँ नेपाल लघुवित्त (NNLB) ले गत आर्थिक बर्षको नाफाबाट सेयरधनीलाई २० प्रतिशत बोनस सेयर वितरण गर्ने प्रस्ताव गरेको छ । साथै बोनसपछि कायम हुने पूँजीको २५० प्रतिशत हकप्रद जारी गरि गर्ने निर्णय समेत बैठकले गरेको छ ।