शिखर इन्स्योरेन्सले पूँजीको क्रममा १३ लाख ६२ हजार सात सय ८१ कित्ता नयाँ सेयर निष्काशन गर्न लागेको हो । उसले एफपिओ निष्काशनबाट १३ करोड ६२ लाख ७८ हजार एक सय रुपैंया पूँजी बिस्तार गरी दुई अर्ब सात करोड १४ लाख २७ हजार रुपैंया प्रिमियम जगेडाकोषमा सञ्चित गर्नेछ ।
बिहीबार शिखर इन्स्योरेन्सको प्रतिकित्ता सेयर मूल्य १९५० रुपैंयामा किनबेच भएको थियो । शुक्रबार वित्तीय विबरण सार्वजनिक गरेको इन्स्योरेन्सले प्रतिसेयर आम्दानी ४४ रुपैंया सात पैसा कायम गरेको छ ।
उता नयाँ सेयर एफपिओको मूल्य निर्धारण गरेको प्रिमियर इन्स्योरेन्सले शुक्रबार सुचना निकाल्दै आफुले पहिले उपलब्ध गराएको सूचना गलत भएको जनाएको छ । यस अघि प्रिमियिरले छ लाख ९५ हजार पाँच सय ६५ कित्ता एफपिओ गर्ने भन्दै एक सय रुपैंया फेस भ्याल्लुमा ९२० प्रिमियम थप गरी १०२० रुपैंयामा सेयर निष्काशन गर्ने बताएको थियो । शुक्रबार सुचनाबाट उसले एफपिओको संख्या गल्तीका कारण ३६ हजार कित्ता धेरै भएको भन्दै छ लाख ५९ हजार पाँच सय ६५ कित्ता मात्र भएको जनाएको हो ।
हेर्नुहोस पुरानो सामग्री ...