नेपाल लाईफ इन्स्योरेन्स कम्पनीले एफपीओ नपरेको झण्डै ५० अर्ब रुपैँया विहिवारदेखि फिर्ता गर्न थाल्दा संकलन केन्द्रहरुमा लाम बस्नेहरुको पहिले जस्तै भीड देखियो । लगानीकर्ताहरुले आफ्नो पैसा फिर्ता पाउन पहिला सेयर भर्दा जत्तिकै सास्ती खेप्नु परेको गुनासो गरे ।
आश्वा प्रणाली भन्ने आयो, बैंक खातामै सेयर नपरेको पैसा फिर्ता हुन्छ भनियो तर अहिले पनि यस्तो सास्ती छ,-सिद्धार्थ बैंकको त्रिपुरेश्वर शाखामा रकम फिर्ता लिन घण्टौं पहिले लामबद्ध भएका एक लगानीकर्ताले गुनासो गर्दै भने- समय फेरिए पनि प्रवृति फेरिएन ।
लगानीकर्ता दिपक श्रेष्ठले आफुले १७० कित्ता एफपीओ आवेदन गर्दा जम्मा १० कित्ता पाएको तर ब्याज र सास्तीको सबै हिसाब जोड्दा घाटा नै लागेको बताए ।
अर्का लगानीकर्ता वुद्धिकृष्ण गौतमले नेपाल लाईफमा सेयर परेका लगानीकर्तालाई घाटा नलागे पनि सास्ती चाँही धेरै नै ब्यहोर्नु परेको बताए । ठूला लगानीकर्ताको हित हुने गरी बाँडफाँड गरिएको उनको आरोप छ ।
लगानीकर्ता हरी रिमालले आफु नयाँ लगानीकर्ता भएको र सहकारीबाट चर्को ब्याजमा १५ लाख कर्जा लिएर आबेदन गर्दा ५९ कित्ता मात्र परेको र सास्ती खेप्दा घाटा नै लागेको बताए ।
अर्का लगानीकर्ता परशुराम नेपालले केही ठूला लगानीकर्ताहरुलाई विशेष सहुलियत दिएर सय डेढ सय जनाको फारम एउटैलाई बुझाउन दिँदा आफुहरु मर्कामा परेको दावी गरे ।
लगानीकर्ता प्रणय श्रेष्ठले आस्वा प्रणाली लागु भएपनि आफुजस्ता साना लगानीकर्तालाई शुल्कको आधारमा उपयुक्त नभएकाले पुरानै प्रकृया अनुसार आवेदन गर्दा दुख पाईएको बताए ।
लगानीकर्ता रविन्द्र निरौलाले आफुले परिवारका पाँच जनाको सेयर भर्दा एक जनालाई समेत नपरेकाले दुख मात्र खेर गएको गुनासो गरे ।
सिद्धार्थ क्यापिटलले १४ वटा बैंकमा खाता भएकालाई सोही बैंक खातामा रकम फिर्ता गरे पनि अन्यले लामो लाईन बसेर रकम फिर्ताको रसिद लिनु परेको छ । सिद्धार्थ क्यापिटलले सबै आबेदकको रकम फिर्ता बैंक खाता मार्फत गर्ने प्रक्रिया प्राबिधिक कारणले हुन नसकेको जनाएको छ । बाँडफाँड भएको सेयर भने सुचिकृत भएपछि सबैको हितग्राही खातामा नै जानेछ ।
नेपाल लाइफ र फरवार्डको रकम फिर्ता हुने, कुन-कुन बैंकमा खाता रहेका लगानीकर्ताले खातामै पैसा पाउँछन् ?
