ज्योतिले एक बराबर एकको अनुपातमा हाल कायम चुक्ता पूँजी बराबरको हकप्रद निष्काशनको अनुमति मागेको हो । ज्योतिले हाल कायम पूँजीले हुन आउने एक करोड १० लाख ४३ हजार एक सय ७१ कित्ता सेयर निष्काशनको अनुमति माग गरेको छ ।
त्यसै गरी पुर्णिमा विकास बैंकले हाल कायम चुक्ता पूँजीको २५ प्रतिशत हकप्रद निष्काशन गर्न बोर्डको अनुमति माग गरेको हो । पुर्णिमाले हाल कायम पूँजीको २५ प्रतिशतले हुने आठ लाख ८० हजार नौ सय ६२ कित्ता हकप्रद सेयर निष्काशन गर्न लागेको हो ।
अहिले ज्योतिको चुक्ता पूँजी एक अर्ब १० करोड ४३ लाख १७ हजार रुपैंया छ । प्रस्तावित हकप्रद निष्काशन पश्चात बैंकको चुक्ता पूँजी दुई अर्ब २० करोड ८७ लाख रुपैंयाको हाराहारीमा पुग्नेछ । केही दिन अघि मात्र राप्ती भेरी विकास बैंकलाई खरिद गर्ने सम्झौता गरेको बैंकले उक्त लिय पश्चात चुक्ता पूँजी दुई अर्ब ३७ करोड हाराहारीमा पुग्ने बैंकले जनाएको छ ।
उता ३५ करोड २३ लाख रुपैंया चुक्ता पूँजी भएको पुर्णिमाले २५ प्रतिशत हकप्रदबाट चुक्ता पूँजी ४४ करोड रुपैंया नघाउने भएको हो । चालु आर्थिक वर्षको कमाई तथा अन्य कुनै विकल्पबाट ज्योतिले चुक्ता पूँजी दुई अर्ब ५० करोड रुपैंया पुर्याउनेछ भने पुर्णिमाले पनि सोही अनुसार छ करोड हाराहारीमा पूँजी वृद्धि गरी ५० करोड रुपैंया पुर्याउनेछ ।
राप्ती भेरी बेचिए पछि हकप्रदमा उचालिनेले यसरी जिल खाए, ज्योतीमा भयो विलय
