समिक्षा अवधिमा सगरमाथाले चुक्ता पूँजी ३१ करोड ८७ लाख रुपैंयाबाट ६६ करोड ४७ लाख रुपैंया पुर्याएको छ । यस अवधिमा उसले आफ्नो कमाई छ करोड २२ लाख रुपैंयाबाट बढाएर १० करोड १४ लाख रुपैंया पुर्याएको हो ।
उता पोखरा फाइनान्सले पनि समिक्षा अवधिमा चुक्ता पूँजी ४९ करोड ११ लाख रुपैंयाबाट ५५ करोड ७४ लाख रुपैंया पुर्याएको छ । यो अवधिमा फाइनान्सले आफ्नो खुद नाफा भने भारी मात्रामा बढाएको छ । गत आर्थिक वर्षको यसै अवधिमा तीन करोड ५८ लाख रुपैंया खुद नाफा गरेको फाइनान्सले अहिले सात करोड दुई लाख रुपैंया खुद नाफा कमाएको छ ।
सेञ्चुरी कमर्शियल बैंकसँग विलय सम्झौता गरेको सगरमाथाको जगेडा कोषमा ३३ करोड रुपैंया सञ्चित छ भने पोखराको १९ करोड सञ्चित छ । सगरमाथाको प्रतिसेयर आम्दानी २० रुपैंया ३५ पैसा रहेको छ भने पोखराको १६ रुपैंया ८४ पैसा रहेको छ ।