आफै सेयर रजिष्टार रहेको कम्पनीले केही लगानीकर्ताको खातामा दोहोरिएर सेयर गएको कारणले सेयर कारोबार रोक्न अनुरोध गरेको र सिडिएससीको पत्रअनुसार सेयर कारोबार रोक्का भएको थियो । यसअघि गत हप्ताको आाइतबार र मंगलबार दुई दिन कारोबार भएको कम्पनीको दुवै दिन दश प्रतिशतले बढेको कम्पनीको सेयरमूल्य यो साताको आईतबार पनि दश प्रतिशतले बढेको छ ।
कम्पनीले १ करोड ५० लाख कित्ता साधारण सेयर नेप्सेमा सूचिकृत गराएपनि सर्वसाधरणका लागि वितरण गरेको २९ लाख १० हजार कित्ता सेयरको मात्र नेप्सेमा कारोबार खुलेको थियो ।
सर्वसाधारणमा ३० करोड रुपैयाँको शेयर बाँडफाँड पश्चात चुक्तापूँजी १ अर्ब ५० करोड पुगेको छ । अरुण काबेली अरुण भ्याली हाइड्रो पावरको सहायक कम्पनी हो । कम्पनीले पाँचथर र ताप्लेजुङको सिमानामा पर्ने काबेली नदीमा २५ मेगावाट क्षमताको काबेली बी वान जलविद्युत आयोजना निर्माण गरिरहेको छ ।
