पाँच करोड रुपैयाँ चुक्तापुँजी रहेको लघुवित्तको जगेडाकोषमा आठ करोड २२ लाख रुपैयाँ रहेको छ । यसअवधिमा लघुवित्तले २८ करोड ३२ लाख रुपैयाँ सदस्यहरु मार्फत निक्षेप संकलन गरेको छ भने १९ करोड ५८ लाख कर्जा सापट लिएको छ । साथै लघुवित्तले ६० करोड ४३ लाख रुपैयाँ कर्जा परिचालन गरेको छ । यसवाट कम्पनीले २६.८२ प्रतिशतले खुद खुद व्याज आम्दानी बढाएर पाँच करोड १६ लाख रुपैयाँ कमाएको छ ।
साथै लघुवित्तको यसअवधिमा खराबकर्जा १.८३ प्रतिशतमा बढेको छ । लघुवित्तको निस्कृय कर्जा बढेपछि सम्भावित जोखिमको रकम समेत २८ लाख रुपैयाँले बढाएर ७० लाख ५२ हजार राख्दा ३५ लाख रुपैयाँ खराबकर्जा उठाएको छ ।
लघुवित्त कम्पनीको प्रतिसेयर आम्दानी ५५.३९ रुपैयाँ, प्रतिसेयर नेटवर्थ २६४.४७ रुपैयाँ रहेको छ । गत आर्थिक बर्षको खुद मुनाफाबाट ६५ प्रतिशत बोनश वितरण गरेको कम्पनीको पूँजीकोष २३.४१ प्रतिशत, तरलता अनुपात ८.०४ प्रतिशत,र मूल्यआम्दानी अनुपात ३१.०९ गुणा रहेको छ ।
