बिहीबार राजधानीमा भएको बैंकको छैटौं साधारणसभामा बोल्ने साधारण सेयरधनीहरुले बैंकको चालु आर्थिक बर्षको तेस्रो त्रैमासिक बित्तीय बिबरणले डरलाग्दो संकेत गरेको भन्दै बैंकमा तत्काल सुधार गर्नुपर्ने आवाज उठाए ।
बैंकको खुद नाफामा ह्रास आउनुका साथै निस्क्रिय कर्जा अनुपात बढ्दै गएकोमा संचालक समिति र ब्यवस्थापन पूर्ण रुपमा जिम्मेवार रहेको सेयरधनीहरुको आरोप थियो । उनीहरुले आउने असारसम्म बैंकलाई सुधार नगरे सेयरधनीहरुले नै छानविन समिति बनाएर दोषीहरुमाथि कारबाहीको लागि दबाब दिने चेतावनी दिए ।
सिभिल बैंक तत्काल नसुध्रिए राष्ट्र बैंकको कारबाही भोग्नुपर्ने भएपछि ऋण उठाउँन कडा रणनीति
साधारणभामा बोल्दै अध्यक्ष अम्बिर बोगटीले खराब कर्जा असुली गरी बेंकलाई सुधार गर्न समिति गठन गरिएको र आगामी दिनमा बैंक सुध्रिएर जाने बताएका थिए । सांसद ईच्छाराज तामाड.ले संचालक समितिको अध्यक्षबाट राजीनामा गरेको भनिए पनि साधारणसभाको मन्चमा उनी नै प्रमुख भुमिकामा रहेको देखियो ।
सिभिल बैंकले २.८८ प्रतिशत बोनस बितरण गर्ने प्रस्ताब पारित गर्नुका साथै ३० प्रतिशत हकप्रद जारी गर्ने प्रक्रिया अगाडि बढाउँन संचालक समितिलाई अख्तियारी दिएको छ ।
बैंकले हामा र युनिक फाईनान्सलाई प्राप्ति गर्ने र उनीहरुको स्वाप रेसियो क्रमशः ९० र ८९ प्रतिशत तोकेको छ । बिगतमा आईएलएफसी फाईनान्सलाई गाभेको बैंकको अबस्था क्रमशः खस्कदै गएकोमा हामा र युनिकलाई प्राप्ति गरेपछि अबस्था झन बिग्रने चिन्ता सेयरधनीहरुले ब्यक्त गरेका छन् ।
बैंकले आफुमा अरु संस्था मर्ज वा एक्विजिशन गर्ने र आफु पनि अरुसँग मर्ज र एक्विजिशनमा जानसक्ने गरी संचालक समितिलाई अख्तियारी पनि लिएको छ ।
....मेरो लगानी डटकमको सह-प्रकाशन nepaljournal.com हेरेर प्रतिक्रिया तथा सुझाब दिनुहोला।