आयोजनाको कुल एक हजार २ सय रोपनीमध्ये हालसम्म पचास प्रतिशतभन्दा बढीलाई मुआब्जा वितरण गरिएको आयोजनाका सञ्चारविज्ञ सचेन गौतमले बताए ।
मुआब्जा बाँड्ने क्रममा रकम अपुग भएका खण्डमा थप बजेट विनियोजन गरेर भए पनि निर्माण अगाडि बढाइने आयोजनाले बताएको छ ।
आयोजनाले घरजग्गाको मात्रै नभई घर टहरा, गोठ, फलफूल, तथा अन्य भौतिक संरचनाको समेत मुआब्जा एवम् क्षतिपूर्ति वितरण गर्दै आएको छ । यस्तै आयोजनाको पहुँच मार्ग निर्माण तथा कालोपत्र गर्ने कार्य पनि सँगसँगै अगाडि बढेको छ ।
तनहुँको पृथ्वी राजमार्गको बेनीटारदेखि करीब दुई किमी सडक कालोपत्र भएको, आयोजना निर्माणको प्रक्रिया अगाडि बढाउने महत्वपूर्ण आधारका रुपमा रहेको ठेक्का प्रक्रियासमेत अन्तिम चरणमा पुगेको तथा प्याकेज एकअन्तरगतको ठेक्का प्रक्रियाको मूल्याङ्कन भइरहेको गौतमले जानकारी दिए ।
.....मेरो लगानी डटकमको सह-प्रकाशन nepaljournal.com हेरेर प्रतिक्रिया तथा सुझाब दिनुहोला।
