सिद्धार्थ डेभलपमेन्ट बैंक जनतासँग एक बराबर एक स्वाप रेसियोमा एक्विजिशनमा जान लागेको हो । यो सँगै त्रिवेणीलाई गाँभेर केही बलियो बनेको जनता बैंक सिद्धार्थ डेभ्लपमेन्ट बैंक समेत मिसिएपछी थप बलियो हुने भएको छ ।
जनता बैंकमा त्रिबेणी गभिदा पनि दुबैको स्वाप रेसियो एक कित्ता बराबर एक कित्ता कायम गरिएको थियो।
हाल सिद्धार्थको चुक्ता पूँजी एक अर्ब ४१ करोड रहेको छ । बैंकले गत वैशाख ७ गतेदेखि जेठ १० गतेसम्म ६० प्रतिशत हकप्रद सेयर बिक्री गरेर चुक्तापूँजी दुई अर्ब २५ करोड पुर्याएको छ ।
त्रिवेणीलाइ गाँभेको जनताको चुक्तापूँजी चार अर्ब ६४ करोड पुगेको छ । सिद्धार्थलाई किन्दा जनताको पूँजी ६ अर्ब ९० करोड पुग्ने देखिन्छ । आठ अर्ब पुर्याउन अपुग रकम बैंकले चालुबर्षको बोनसबाट पुर्याउने योजनामा रहेको छ ।
यता जनता बैंकका कर्मचारी भने सिद्धार्थ डेभलपमेन्ट बैंकलाई मिसाउन नहुने र मिसाएमा आफुहरुका सेवा सुविधा बढाउनुपर्ने लगायतका माग राखेर आन्दोलनमा उत्रिएका छन ।
.....मेरो लगानी डटकमको सह-प्रकाशन nepaljournal.com हेरेर प्रतिक्रिया तथा सुझाब दिनुहोला।
