लिलाममा राखिएको सर्वसाधारण समूहतर्फको ५२ हजार सात सय ६५ कित्ता सेयरका लागि २६५ जनाले आवेदन गरेका थिए । जसमा २७७.७८ रुपैयाँ अंकित गरी बोलपत्र पेश गर्ने लगानीकर्तालाई सेयर बाँडफाँड गरिएको विक्री प्रबन्धक एनएमबि क्यापिटलले जनाएको छ । साधारण सेयरका लागि अधिकतम ३१७ रुपैंयाँसम्म अंकित गरी बोलपत्र आवेदन प्राप्त भएको थियो ।
त्यस्तै ३२ हजार चार सय ६६ कित्ता संस्थापक सेयरको बोलकबोलमा तीन जनाले आवेदन गरेकोमा ३ जनाले नै बैंकको सेयर सकारेका छन् । संस्थापक सेयरमा १०१ रुपैँयासम्म अंकित मूल्य राखेर बोलपत्र पेश गरेका आवेदकले सेयर सकार्ने मौका पाएका हुन् । जसमा अधिकतम १०१.५० रुपैयाँसम्मको आवेदन परेको विक्री प्रबन्धक एनएमबि क्यापिटलले जनाएको छ । लिलामीमा सेयर नपाउने बोलकबोल दातालाई असार ११ गतेदेखि रकम फिर्ता गर्ने क्यापिटलले जनाएको छ ।
भार्गव विकास बैंकले गत फागुन २४ देखि चैत २८ गतेसम्म निष्काशन गरेको शतप्रतिशत हकप्रदमा बिक्री नभएको उक्त परिमाणको सेयर लिलामीमा राखेको थियो ।
१४ करोड ४० लाख रुपैयाँ चुक्ता पूँजी रहेको बैंकले चालु आर्थिक वर्षको तेस्रो त्रैमासमा दुई करोड ४३ लाख रुपैयाँ खुद नाफा कमाएर प्रतिसेयर आम्दानी १६ रुपैयाँ ९३ पैसाकायम गरेको छ । बैंकले चुक्ता पूँजी पुर्याउनका लागि ८० प्रतिशत हकप्रद जारी गर्ने जेठ ६ गतेको विशेष साधारणसभाबाट पारित गरेको छ । बैंकको सेयर नेपाल स्टक एक्सचेञ्ज (नेप्से) मा सोमबार प्रतिकित्ता ३०४ रुपैयाँमा कारोबार भएको छ ।
