समिक्षा अवधिमा बैंकको चुक्ता पूँजी ८५ करोड ३२ लाख रुपैंयाबाट बढेर दुई अर्ब २० करोड रुपैंया पुगेको छ । एक वर्षको अवधिमा बैंकको चुक्ता पूँजी १५८.३५ प्रतिशतले बढेको हो । खुद नाफा वृद्धिको तुलनामा पूँजी वृद्धि धेरै भएका कारण बैंकको प्रतिसेयर आम्दानी घटेको छ । अघिल्लो आर्थिक वर्षमा २६ रुपैंया २२ पैसा रहेको प्रतिसेयर आम्दानी गत आर्थिक वर्षमा १५ रुपैंया ५५ पैसामा सिमित भएको छ ।
नौ अर्बको निक्षेपलाई समिक्षा अवधिमा १४ अर्ब पुर्याएको बैंकको कर्जा परिचालन आठ अर्ब बाट १२ अर्ब पुगेको छ । यस क्रममा बैंकको निष्कृय कर्जा अनुपात ०.३० प्रतिशतबाट ०.२४ प्रतिशतमा झरेको छ ।
निक्षेप र कर्जा बढाएका कारण बैंकको खुद व्याज आम्दानी४५ करोडबाट ७४ करोड पुगेको छ । पोखराबाट काठमाण्डौंको लाजिम्पाटमा मुख्य कार्यालय स्थानान्तरण गरेको बैंकको कर्मचारी खर्च तथा अन्य सञ्चालन खर्च भारी मात्रामा बढेका कारण पनि बैंकको कमाई प्रभावित बनेको हो ।
बैंकको प्रतिसेयर नेटवर्थ १२८ रुपैंया ३८ पैसा तथा मूल्य आम्दानी अनुपात १९.०४ गुणाले बढी छ ।
बैंकको जगेडा कोषको आकार ३४ करोड ९६ लाखबाट ६२ करोड ५५ लाख पुर्याएको बैंकले बोनस विबरण गरेर चुक्ता पूँजी दुई अर्ब ५० करोड रुपैंया पुर्याउँदैछ ।
............................................................................................................................................................................
घरमा बसेर अनलाइनबाट डिम्याट खाता खोली एक लाख रुपैंयाको बीमा सित्तैमा गराउनुहोस् ।