बैंकका धेरै सूचकहरु सकारात्मक नै रहे पनि खुद नाफा कमाईमा भने खासै बढोेत्तरी हुन सकेन । कोषको लागत बढ्न जाँदा ब्याज खर्च बढेको र स्प्रेड दर कम रहेका कारणले आम्दानी खुम्चिएको अबस्था छ । शुल्क र अन्य शीर्षकबाट आम्दानी बढाए पनि निस्क्रिय कर्जा अनुपातमा सामान्य बढोत्तरी भएको छ । कर्मचारी र संचालन खर्चमा भएको बृद्धिले पनि असर पारेको छ ।
गत बर्ष ३२ प्रतिशत बोनस र ८० प्रतिशत हकप्रद जारी गरी चुक्ता पूँजीलाई चार अर्बबाट सात अर्ब २१ करोड नघाएको बैंकको प्रति सेयर आम्दानी पनि खुम्चिएको छ । यद्यपि बैंकले प्रकाशित गरेको बित्तीय बिबरणमा प्रति सेयर आम्दानी २८ देखाईएको छ ।
मेरोलगानीले नेपाल बंगलादेश बैंकको खुद नाफाका बारेमा गरेको आँकलन ठ्याक्कै मिलेको छ ।
बाणिज्य बैंकहरुले २०७४ मा कति खुद नाफा कमाए ? (आँकलनसहित)
बंगलादेशी साझेदारहरुको ४३ प्रतिशत हिस्सा रहेको बैंकले निक्षेप संकलन तथा कर्जा बिस्तारलाई जोड दिनुपर्ने र अन्य समकालीन बाणिज्य बैंकहरुको दाँजोमा पुग्नुपर्ने आबश्यकता खटकिएको छ । संकटग्रस्त अवस्थाबाट बैंकलाई माथि उठाएका प्रमुख कार्यकारी ज्ञानेन्द्र ढुंगानाले अब बिशेष खुवी प्रदर्शन गर्नुपर्ने बेला आएको छ ।
