नेपाल लाईफले खुद बीमाशुल्क संकलन १८.९८ प्रतिशतले वृद्धि गरि १२ अर्ब पाँच करोड रुपैयाँ संकलन गरेको छ । इन्स्योरेन्सको अभिकर्ता कमिशन समेत ७४ करोडले बढेर एक अर्ब २२ करोड खर्च गरेको छ । यसबाट कम्पनीले बीमा व्यवसाय विस्तारमा खर्च बढाएको देखिन्छ ।
नेपाल लाइफ इन्स्योरेन्सले १० लाख ४१ हजार बीमालेख संख्याबाट गत आर्थिक बर्षसम्ममा कुल ५२ अर्ब ३७ करोड ६९ लाख रुपैयाँ बीमाशुल्क आर्जन गरेको छ । उसले गत आवमा मात्रै १२ अर्ब २१ करोड ९८ लाख रुपैयाँ बीमाशुल्क आर्जन गरेको छ ।
नेपाल लाईफ इन्स्योरेन्स कम्पनीको चुक्ता पूँजी ३ अर्ब ९ करोड रुपैयाँ तथा जगेडा कोषको आकार ४ अर्ब ७४ करोड बराबरको रहेको छ । कम्पनीकाे जीवनकोषको आकार ४० अर्ब २८ करोड ८९ लाख रुपैयाँ तथा महाविपत्ति कोषमा २२ करोड ४९ लाख रुपैयाँ सञ्चित रहेको छ ।
अघिल्लो आर्थिक बर्षमा ९० करोड ६६ लाख रुपैयाँ कमाएको इन्स्योरेन्स कम्पनीले गत आर्थिक बर्षमा ४१ करोड ६५ लाख रुपैयाँ मात्र खुद नाफा कमाएको छ । बीमाङ्कीय मुल्याङकन नसमेटिएका कारढा इन्स्योरेन्सको यो खुद नाफाले कुनै महत्व राख्दैन । उसले बीमाङ्कीय मुल्याङन समेटे पछि खुद नाफाको वास्तविक आकार थाहा हुनेछ ।
बीमा कम्पनीको प्रतिसेयर आम्दानी १३ रुपैयाँ ४५ पैसा तथा प्रतिसेयर नेटवर्थ २६० रुपैयाँ ३६ पैसा र मूल्य आम्दानी अनुपात १५९.६७ गुणा रहेको छ ।
