बैंकले गत साउन १९ गते हकप्रद प्रयोजनका लागि सेयरधनी पुस्तिका बन्द गरेको छ । साउन १८ गतेसम्म कायम सेयरधनीले मात्र बैंकको हकप्रदमा आवेदन दिन पाउने छन् । बैंकको हकप्रदमा असोज २१ गतेसम्ममा आवेदन गरिसक्नु पर्छ । बैंकको सेयर निष्काशन तथा बिक्री प्रबन्धक ग्लोबल आईएमई क्यापिटल रहेको छ ।
साउन १८ गतेसम्म कायम सेयरधनीले क्यापिटलको कार्यालय नाचघर जमल, ग्लोबल आई एमई बैंकका शाखा कार्यालयहरु इटहरी, जनकपुर, वीरगञ्ज, नारायणघाट, पोखरा, नेपालगञ्ज र बुटवलबाट आवेदन गर्न पाउछन् । काबेली विकास बैंकको धनकुटा स्थित केन्द्रिय कार्यालयका साथै सबै शाखाहरुबाट पनि हकप्रदमा आवेदन गर्न सकिन्छ ।
हाल सात करोड एक लाख ७६ हजार रुपैयाँ चुक्ता पूँजी रहेको बैंकको हकप्रद पश्चात चुक्ता पूँजी १० करोड ५२ लाख ६४ हजार रुपैयाँ पुग्नेछ । राष्ट्र बैंकले तोकेको ५० करोड रुपैंया चुक्ता पूँजी बैंक एक्लैले पुर्याउन नसक्ने भएकाले बैंक मर्जर वा विलयमा जाने तरखरमा रहेको बुभिएको छ ।
